رمضان کا مہینہ قربت، عبادت اور محبت کا پیغام لے کر آتا ہے۔ اس خاص مہینے میں جب روزہ رکھا جاتا ہے اور افطار کا وقت آتا ہے، تو ہم سب کچھ خاص اور مزیدار کھانے کی خواہش رکھتے ہیں۔ رمضان میں افطار کے وقت پیری پیری چکن رولز ایک بہترین انتخاب بن سکتے ہیں۔

یہ مسالہ دار، مزیدار اور جلدی تیار ہونے والی ڈش آپ کی افطاری کو خوشبودار اور لذیذ بنا دیتی ہے۔ چکن کے نرم کیوبز، پیری پیری سیزننگ اور صحت بخش سبزیوں کے ساتھ یہ رولز بچوں اور بڑوں سب کے لیے ایک لذیذ اور خوشگوار تحفہ ثابت ہو سکتے ہیں۔ تو اس رمضان اپنے دسترخوان پر پیری پیری چکن رولز کی مزیدار پیشکش کریں اور اپنے خاندان کے ساتھ افطار کا لطف اٹھائیں۔

رمضان اسپیشل: آج کی افطاری چکن لالی پاپ کے ساتھ کریں

اجزاء

پیری پیری چکن کے لیے

• بون لیس چکن کیوبز (500 گرام)

• نمک (ذائقے کے مطابق)

• لہسن پاؤڈر (1 چائے کا چمچ)

• پیپریکا پاؤڈر (1 چائے کا چمچ)

• کالی مرچ پاؤڈر (2 کھانے کا چمچ)

• تیل/گھی/مکھن (1 چائے کا چمچ)

• لہسن (1 چائے کا چمچ)

• پیری پیری مسالا (اختیاری)

پراٹھے کے لیے

• میدہ (1.5 چائے کا چمچ)

• پانی (ضرورت کے مطابق)

اسمبلنگ کے لیے

• 2 ٹماٹر باریک کٹے ہوئے

• 1 پیاز کٹی ہوئی

• 1 شملہ مرچ کٹی ہوئی

• آدھا کپ ابلی ہوئی میٹھی کارن

• مایونیز

• کیچپ

ترکیب

پراٹھے کی تیاری

سب سے پہلے میدہ لیں اور اس میں نمک چھڑک کر پانی کے ساتھ گوندھ لیں۔ آٹے کو نرم اور یکجان بنانے کے بعد اسے 30 منٹ کے لیے چھوڑ دیں تاکہ وہ نرم ہو جائے۔

چکن کی میرینیشن

دوسرے پیالے میں چکن کے ٹکڑوں کو نمک، لہسن پاؤڈر، پیپریکا پاؤڈر، کالی مرچ پاؤڈر، تیل، سرکہ، سویا ساس اور پیری پیری ساس کے ساتھ اچھی طرح میرینیٹ کر کے 30 منٹ کے لیے رکھ دیں۔

پراٹھے بنانا

گوندھے ہوئے آٹے سے پراٹھے بنا کر انہیں تیل میں اچھی طرح پکائیں، تاکہ پراٹھے کرکرا اور اچھی طرح پک جائیں۔

چکن پکانا

ایک پین میں میرینیٹ شدہ چکن ڈال کر اچھی طرح پکائیں۔ اس بات کا خیال رکھیں کہ چکن مکمل طور پر نرم ہو جائے اور تمام مسالے اچھی طرح جذب کر لے۔ آپ چاہیں تو مزید پیری پیری مسالا شامل کر سکتے ہیں تاکہ ذائقہ مزید تیز ہو۔

رول بنانا

جب چکن ٹھنڈا ہو جائے تو پراٹھے پر ٹماٹر، پیاز، شملہ مرچ، میٹھی کارن اور مایونیز/کیچپ لگائیں۔ پھر چکن کے ٹکڑے رکھ کر سب کو رول کر لیں اور نیچے ٹوتھ پک رکھ کر رول کو بند کر دیں تاکہ بھرائی اچھی طرح سے محفوظ ہو جائے۔

اب آپ کے مزیدار پیری پیری چکن رولز تیار ہیں! ان رولز کو بچوں اور بڑوں کے لیے بہترین کھانے کی صورت میں پیش کریں، جو خوشبو اور ذائقے سے بھرپور ہوں گے۔