کراچی میں مصطفیٰ عامر قتل کیس کی تحقیقات میں اہم پیش رفت سامنے آئی ہے۔ آج نیوز نے مقتول کے دوست کا ویڈیو بیان حاصل کر لیا، جس میں انکشاف کیا گیا ہے کہ مصطفیٰ عامر اور ملزم ارمغان کے درمیان رقم کے تنازعے نے شدت اختیار کر لی تھی۔

نیو ائیر نائٹ پارٹی میں موجود ارمغان کے دوست نے بتایا کہ وہ ارمغان کو 2016 سے جانتا ہے۔ اس کے مطابق، ارمغان اپنے پیسوں سے سب دوستوں کو نشہ کرواتا تھا۔ دوست کا کہنا تھا کہ نیو ائیر پارٹی کے لیے مصطفیٰ کو کئی بار بلایا گیا، مگر اس نے شرکت نہیں کی اور اپنی پارٹی ہاکس بے پر رکھی۔

دوست کے مطابق، مصطفیٰ نے بتایا تھا کہ ارمغان اسے گھر بلاتا تھا، مگر وہ جانے سے گریز کرتا تھا۔ دوست نے مزید کہا کہ مصطفیٰ نے ارمغان سے کچھ پیسے بہانے سے لے لیے تھے، ارمغان پیسے واپس نہیں کر رہا تھا۔

مصطفی قتل کیس: ارمغان نے بھاری اور غیر ممنوعہ بور کا اسلحہ کہاں سے اور کیوں خریدا؟ سوال اٹھ گیا

بیان میں انکشاف کیا گیا ہے کہ یہ لوگ ”جنگل بوائے“ نامی ویڈ (نشہ آور مواد) استعمال کرتے تھے، تاہم یہ معلوم نہیں ہو سکا کہ مصطفیٰ یہ منشیات کہاں سے لاتا تھا، ویڈ کی پیکنگ کو اسکریچ کریں تو پن لوکیشن پتا چل جاتی تھی۔

دوست کے مطابق، مصطفیٰ جو نشہ ارمغان کو بیچتا تھا، وہ خود بھی وہیں بیٹھ کر استعمال کرتا تھا۔

دوست نے بتایا کہ ارمغان کے پاس 30 سے 35 گارڈز موجود تھے، جو ہمیشہ ان کے سروں پر کھڑے رہتے تھے۔ اگر کوئی ویڈیو بنانے کی کوشش کرتا تو گارڈز فوراً روک دیتے تھے۔

مصطفیٰ قتل کیس کی تحقیقات میں شاہ زین مری کا نام بھی جُڑ گیا

مزید انکشافات کے مطابق، ارمغان کے دفاتر شارع فیصل اور ڈیفنس فیز 8 میں موجود تھے، جبکہ اس نے پانچ ماہ قبل اپنے دیگر دفاتر اور شیر کے بچےبند کر دئے تھے۔

دوست کے مطابق، مصطفی سے اس کی آخری ملاقات عثمان سواتی کی میت پر ہوئی تھی، جبکہ ارمغان سے آخری مرتبہ ڈیڑھ سے دو مہینے قبل ملاقات ہوئی تھی۔