پاکستان اور متحدہ عرب امارات میں کھیلے جانے والی آئی سی سی چیمپئنز ٹرافی 2025 میں نئی تاریخ رقم ہوگئی۔ گزشتہ روز آئی سی سی چیمپئنز ٹرافی کے ایک ایڈیشن میں سب سے زیادہ سنچریوں کا نیا ریکارڈ بن گیا۔

بدھ کے روز افغانستان اور انگلینڈ کے درمیان میچ میں دونوں ٹیموں کے ایک ایک کھلاڑی نے سنچری اسکور کی، افغان بیٹر ابراہیم زدران نے ٹورنامنٹ کی 10 ویں سنچری اسکور کی جبکہ انگلش بیٹر جو روٹ کی افغانستان کے خلاف 98 گیندوں پر بنائی گئی سنچری آئی سی سی چیمپئنز ٹرافی 2025 میں 11ویں سنچری تھی جوکہ چیمپئنز ٹرافی کے کسی بھی ایڈیشن میں سب سے زیادہ سنچریاں ہیں۔

اس سے پہلے چیمپئنز ٹرافی کے کسی ایڈیشن میں سب زیادہ (10) سنچریاں 2002 اور 2017 کے ایڈیشن میں بنی تھیں۔

چیمپئنز ٹرافی 2025 میں اب تک 8 میچز کھیلیں گئے ہیں اور اس میں ول ینگ، ٹام لیتھم، توحید ہردوئی، شبمن گل، رائن ریکلٹن، بین ڈکٹ، جوش انگلس، ویرات کوہلی، راچن رویندرا، ابراہیم زادران اور جو روٹ سنچری بنا چکے ہیں۔

واضح رہے کہ آئی سی سی چیمپئنز ٹرافی میں مجموعی طور پر 15 میچز کھیلے جانے ہیں۔