فلسطینی مزاحمتی تنظیم حماس نے چار اسرائیلی یرغمالیوں کی لاشیں ریڈ کراس کے حوالے کر دیں۔

حماس عہدیدار کے مطابق لاشیں بغیر کسی تقریب کے ریڈ کراس کے حوالے کی گئی ہیں۔

القسام بریگیڈز کے ترجمان ابوعبیدہ کے مطابق ہلاک یرغمالیوں اتساحی عیدان، ایتسیک الجریط، اوھاد یہلومی اور شلومو منصور کی لاشیں ریڈ کراس کے حوالے کر دی ہیں۔ معاہدے کے تحت اسرائیل نے 600 سے زائد فلسطینی قیدیوں کو رہا کیا۔

گزشتہ ہفتے قیدیوں کے تبادلے متعلق حماس اور اسرائیل کے درمیان اتفاق ہوا تھا۔

دوسری جانب اسرائیل نے حماس کو مختلف آپشنز دے دیئے ہیں کہ حماس غزہ پر کنٹرول سے دست بردار ہو اور اپنی فوجی طاقت کا خاتمہ کرے اور مزید اسرائیلی مغویوں کو رہا کیا جائے۔

غزہ جنگ بندی معاہدہ: حماس نے 6 اسرائیلی قیدیوں میں سے دو کو رہا کردیا

دوسری صورت میں حماس کو جنگ بندی ختم کرکے واپس جنگ کی طرف آنا ہوگا، بعد ازاں حماس نے اسرائیلی کے ان آپشنز کو مسترد کردیا۔

حماس نے مسلح مزاحمت جاری رکھنے کا اعلان کرتے ہوئے کہا وہ حکومتی امور اور سرحد کا کنٹرول فلسطینی قیادت کے حوالے کرنے کے لیے تیار ہے۔