پاکستان کی مشہور اداکارہ بشریٰ انصاری کو برطانوی پارلیمنٹ کی جانب سے ان کی شاندار فنی خدمات اور سماجی کاموں کے اعتراف میں اہم اعزاز سے نوازا گیا ہے۔

بشریٰ انصاری یہ ایوارڈ حاصل کرنے والی پہلی پاکستانی ڈرامہ اداکارہ بن گئی ہیں۔

بشریٰ انصاری اپنی بیٹیوں کے بارے میں بات کرتے ہوئے جذباتی ہو گئیں

برطانوی رکن پارلیمنٹ یاسمین قریشی نے اس تقریب کی میزبانی کی، جہاں بشریٰ انصاری کی پاکستانی ٹیلی ویژن انڈسٹری میں بے مثال خدمات کو سراہا گیا۔

تقریب میں بشریٰ انصاری نے پاکستانی ڈراموں کے عالمی اثرات اور ان کے دنیا بھر میں مقبول ہونے پر روشنی ڈالی۔

انہوں نے کہا کہ پاکستانی ڈرامے نہ صرف ملک کی ثقافت، روایتی لباس اور اردو زبان کو اجاگر کرتے ہیں بلکہ برطانیہ اور دیگر ممالک میں بھی پسند کیے جاتے ہیں۔

گلوکار اسد عباس کے انتقال کے بعد اہل خانہ کس حال میں؟ ویڈیو منظرعام پر آگئی

ایوارڈ کی تقریب میں بشریٰ انصاری نے اپنے ساتھی فنکاروں اور کہانی نویسوں کا شکریہ ادا کرتے ہوئے کہا کہ یہ ایوارڈ ان تمام افراد کی محنت کا نتیجہ ہے جنہوں نے پاکستان کے ثقافتی ورثے کو دنیا بھر میں متعارف کرایا۔

اس ایوارڈ سے قبل، برطانوی پارلیمنٹ میں ماہرہ خان کو لائف ٹائم اچیومنٹ ایوارڈ، جبکہ فہد مصطفیٰ کو ڈائیورسٹی اینڈ کلچرل امپیکٹ ایوارڈ اور گلوبل کلچرل یونٹی ایوارڈ سے نوازا جا چکا ہے۔