اسٹیمکو سائنس مقابلوں میں پاکستانی طالبہ نے شاندار کارکردگی کا مظاہرہ کرتے ہوئے گولڈ میڈل اپنے نام کرلیا ہے۔

پاکستانی طالبہ انارہ بہرام درانی نے سنگاپور میں منعقدہ اسٹیمکو سائنس گلوبل مقابلوں میں گولڈ میڈل جیت کر پاکستان کو عالمی سطح پر نمایاں کیا ہے۔

پاکستان بھر سے صرف 15 پاکستانی طلبہ فائنل تک پہنچے، جہاں انہوں نے 13 ممالک کے 177 شرکاء کے خلاف مقابلہ کیا تھا۔

چیٹ جی پی ٹی کی مدد سے نوکری کے سیکڑوں انٹرویوز کیسے حاصل کریں؟ طریقہ جانیے

اس سے قبل پاکستان بھر سے 26 ہزار طلبہ نے مقابلےمیں حصہ لیا جن میں سے صرف 15 پاکستانی طلبہ بین الاقوامی مقابلے کے لئے جگہ بنا سکے۔

سنگا پورمیں ہونے والے اسٹیمکو سائنس گلوبل مقابلوں کے پہلے مرحلے میں انارہ بہرام درانی نے گولڈ میڈل جیت کر پاکستان کا نام روشن کیا۔

کینیڈا کا اچانک ہزاروں ورک اور اسٹدی ویزے کینسل کرنے کا فیصلہ

واضح رہے کہ یہ مقابلہ 12 سے 17 فروری 2025 تک نیشنل یونیورسٹی آف سنگا پور میں منعقد ہوا، مقابلے میں دنیا بھر کے نوجوان سائنسدانوں نے اپنی مہارت کا مظاہرہ کیا۔

ایونٹ نوجوان ذہنوں کو سائنس اور جدت طرازی میں بہتری کی طرف راغب کرنے کا اہم پلیٹ فارم ہے، طلبہ نے پاکستان میں انٹرنیشنل کینگرو سائنس مقابلے میں بھی غیر معمولی کارکردگی کا مظاہرہ کیا تھا۔ سائنس میں پاکستانی لڑکیوں کی بڑھتی ہوئی نمائندگی انتہائی اہم ہے۔