Aaj News

منگل, مئ 06, 2025  
08 Dhul-Qadah 1446  

چیمپئنز ٹرافی کی سکیورٹی ڈیوٹی سے انکار، 100 سے زائد پولیس اہلکار ایک ساتھ برطرف

متعدد اہلکار سکیورٹی ڈیوٹی پر آنے سے انکاری تھے، جبکہ کچھ بہانے بنا کر غیر حاضر رہے، رپورٹ
شائع 25 فروری 2025 02:07pm
علامتی تصویر
علامتی تصویر

چیمپئنز ٹرافی 2025 کی سکیورٹی ڈیوٹی سے انکار کرنے پر لاہور میں پہلی بار 100 سے زائد پولیس اہلکاروں کو ایک ساتھ نوکری سے برطرف کر دیا گیا۔

پولیس ذرائع کے مطابق برطرف کیے گئے اہلکار اینٹی رائیٹ فورس سے تعلق رکھتے تھے اور انہیں ڈی آئی جی آپریشنز کے حکم پر برطرف کیا گیا۔

سرکاری رپٹ میں برطرف اہلکاروں کی تفصیلات درج کر لی گئی ہیں۔ پولیس حکام کا کہنا ہے کہ متعدد اہلکار سکیورٹی ڈیوٹی پر آنے سے انکاری تھے، جبکہ کچھ بہانے بنا کر غیر حاضر رہے۔

پولیس ذرائع کے مطابق برطرف کیے جانے والے اہلکار چیمپئنز ٹرافی کی سکیورٹی ڈیوٹی سے غیر حاضر رہے۔ بعض اہلکاروں نے سکیورٹی ڈیوٹی پر نہ آنے کے لیے مختلف بہانے بنائے۔ کرکٹ میچز کے دوران سکیورٹی کے سخت انتظامات کے باوجود بعض اہلکاروں نے ڈیوٹی کرنے سے صاف انکار کر دیا۔

محکمہ پولیس کے حکام نے مؤقف دیتے ہوئے کہا کہ فرائض کی انجام دہی میں غفلت برتنے والوں کی محکمہ میں کوئی جگہ نہیں، اور ایسی کوتاہی کو ہرگز برداشت نہیں کیا جائے گا۔

lahore police

Icc Champions Trophy 2025