افواہیں زور پکڑ رہی ہیں کہ بالی ووڈ کے سپر اسٹار گووندا اور ان کی اہلیہ سنیتا آہوجا کی شادی میں دراڑ آ چکی ہے اور یہ طلاق کی طرف بڑھ رہی ہے۔

ان افواہوں میں 30 سالہ مراٹھی اداکارہ کی ممکنہ مداخلت کا بھی ذکر کیا جا رہا ہے، جس کے بارے میں کہا جا رہا ہے کہ وہ گووندا کے قریب آگئی ہیں۔

’یہ حرام ہے‘، شاہ رخ خان نے اسلام کیلئے بڑی رقم ٹھکرا دی

گووندا، جو کہ بالی ووڈ کے سب سے کامیاب اور پسندیدہ اداکاروں میں شمار ہوتے ہیں، نے 1980 اور 1990 کی دہائی میں کئی کامیاب فلموں کے ذریعے اپنی شہرت کو مستحکم کیا۔

ان کی کامیڈی، رقص اور پرفارمنس کا منفرد امتزاج آج بھی مداحوں کے دلوں میں زندہ ہے۔ ان کی فلمیں آج بھی ٹی وی اور ڈیجیٹل پلیٹ فارمز پر مقبول ہیں اور ان کے اثرات نے کئی نئے اداکاروں اور مزاح نگاروں کو متاثر کیا ہے۔

بھارت کے سب سے امیر شخص مکیش امبانی کے گھر میں نوکری پانے کی کیا شرائط ہیں؟

گووندا اور سنیتا آہوجا کی شادی تقریباً چار دہائیوں پر محیط ہے، اور ان کی ذاتی زندگی اکثر میڈیا کی توجہ کا مرکز رہی ہے۔

گووندا ہمیشہ اپنی ذاتی زندگی کو نجی رکھنے کی کوشش کرتے ہیں، جبکہ سنیتا آہوجا کو میڈیا کے ساتھ اکثر بات چیت کرتے ہوئے دیکھا گیا ہے، اور اس میں کئی بار ان کی شادی اور اختلافات پر کھل کر بات کی گئی ہے۔

حال ہی میں، بھارتی میڈیا رپورٹس نے دعویٰ کیا ہے کہ گووندا اور سنیتا آہوجا کی شادی میں کشیدگی پیدا ہو گئی ہے اور وہ طلاق کے قریب پہنچ چکے ہیں۔

بھارتی میڈیا رپورٹس کا کہنا ہے کہ مختلف ذرائع نے بتایا کہ ان کے درمیان طرز زندگی اور توقعات کے حوالے سے اختلافات نے ان کے تعلقات میں دراڑ ڈالی ہے۔

اس کے علاوہ،ایک رپورٹ کے مطابق، ایک 30 سالہ مراٹھی اداکارہ کے ساتھ گووندا کی قربت نے اس صورتحال کو مزید پیچیدہ بنا دیا ہے۔

تاہم، نہ تو گووندا اور نہ ہی سنیتا آہوجا نے ابھی تک اس بارے میں کوئی آفیشل بیان دیا ہے، جس سے مداحوں میں ان کی شادی کی موجودہ حالت کے بارے میں مزید تشویش اور تجسس پیدا ہو گیا ہے۔