کیا آپ جانتے ہیں کہ جینز آپ کے وارڈ روب میں سب سے زیادہ پانی استعمال کرنے والے ملبوسات میں سے ایک ہے؟

ٹیکنالوجی کے بڑے ادارے ایپسن کے مطابق صرف ایک جوڑی جینز تیار کرنے کے لیے تقریباً 18,000 لیٹر پانی درکار ہوتا ہے۔ ابتدائی مراحل میں، یعنی کپاس اگانے سے لے کر کپڑا بنانے تک، 16,390 لیٹر پانی خرچ ہوتا ہے۔

اس کے بعد دھاگے کو رنگنے کے لیے مزید 1,441 لیٹر پانی، ملبوسات کو دھونے کے لیے 584 لیٹر پانی، اور کاٹنے، سینے اور پرنٹنگ کے مراحل میں 110 لیٹر پانی استعمال ہوتا ہے۔

کپڑے دھونے کے شوقین مردوں کا انوکھا کلب

ایپسن کے مطابق تمام برطانوی وارڈروب میں لٹکنے والے ملبوسات کی تیاری کے لیے 35 کھرب لیٹر پانی کی ضرورت ہوتی ہے – جو کہ دریاۓ ٹیمز کو پندرہ مرتبہ خشک کرنے کے برابر ہے۔

آٹھ یورپی ممالک (جس میں برطانیہ، فرانس، جرمنی، پرتگال، اسپین، نیدرلینڈز، اٹلی، اور پولینڈ شامل ہیں) پر کی جانے والی ایک تحقیق میں یہ بات سامنے آئی کہ برطانیہ کے لوگ اس مسئلے کے بارے میں لاعلم تھے۔

صرف 16% برطانوی شرکاء نے اپنے ملبوسات کے پانی کے اثرات کے بارے میں سوچنے کا اعتراف کیا، جو کہ سروے کیے گئے ممالک میں سب سے کم آگاہی کی سطح تھی۔

اگرچہ برطانیہ کے چوتھائی جوابات دہندگان نے یہ دعویٰ کیا کہ وہ ”ماحولیاتی طور پر باشعور“ ہیں، لیکن 72% نے اپنے ملبوسات کے ماحولیاتی اثرات کا پتہ چلنے پر تشویش کا اظہار کیا۔

کپڑوں اور کپڑوں کی مختلف اقسام کو دھونے کا طریق

تاہم تقریباً دو تہائی افراد کا خیال ہے کہ فیشن برانڈز یا ریٹیلرز کی ذمہ داری ہے کہ وہ صنعت میں پائیدار تبدیلی کی قیادت کریں۔

ڈیزائن فرم نے ایپسن کے ساتھ مل کر یہ دکھایا کہ کس طرح جدید ٹیکنالوجی پانی کی کھپت کو کم کرنے میں مدد کر سکتی ہے۔

ان کی مشترکہ کوشش ہے Water Silks، ایک EcoVero سلک اسکارف کی لائن ہے جس میں یورپ کے مشہور دریاوں اور نہروں سے متاثر ڈیزائن شامل ہیں۔ اس اسکارف کی پرنٹنگ کے عمل میں ایپسن کے Monna Lisa ڈیجیٹل پرنٹر کا استعمال کیا گیا، جس میں پگمنٹ انکس تھے، اور اس کے نتیجے میں پانی کے استعمال میں 97% کمی آئی۔