سروسز اسپتال لاہور میں پولیس اہلکاروں کی جانب سے سزائے موت کے قیدی کے لیے خصوصی دعوت دئے جانے کا انکشاف ہوا ہے۔ پولیس کے مطابق جوڈیشل ونگ کے اہلکار مجرم اشفاق عرف کھڈا کو کوٹ لکھپت جیل سے سروسز اسپتال لائے، جہاں انہوں نے اس کے اہلِ خانہ کو بھی وارڈ میں بلا لیا۔

ایف آئی آر کے مطابق اسپتال کے وارڈ میں مجرم کے لیے لذیذ کھانے کا انتظام کیا گیا، جبکہ تفریحی ماحول بھی بنایا گیا۔ اس غیر قانونی سرگرمی پر پولیس اہلکاروں امداد اور شفاقت کے خلاف مقدمہ درج کر کے انہیں حراست میں لے لیا گیا ہے۔

پولیس کے مطابق گرفتار اہلکاروں نے رشوت لے کر مجرم کو پروٹوکول دلوایا۔

واضح رہے کہ اشفاق عرف کھڈا قتل کیس میں 25 سال قید کی سزا کاٹ رہا ہے اور کوٹ لکھپت جیل میں قید ہے۔