حماس نے آج غزہ جنگ بندی کے معاہدے کے تحت 6 اسرائیلی یرغمالیوں کو رہا کرکے ریڈ کراس کے حوالے کردیا جس کے دوران دنیا نے ایک حیران کن منظر دیکھا۔

وائرل ویڈیو میں دیکھا جاسکتا ہے کہ جب حماس نے تین اسرائیلیوں یرغمالیوں عمروینکیرٹ، عمر شیم توو اور ایلیا کوہیں ریڈ کراس کے حوالے کرنے پہلے اسٹیج پر پیش کیا تو انہوں نے ہاتھ ہلایا اور ان کے ہاتھ میں رہائی کے سرٹیفکیٹ تھے اس کے بعد انہیں ریڈ کراس حکام کے حوالے کردیا گیا۔

اسرائیلی یرغمالی جس کی شناخت عمر شیم توو کے طور پر ہوئی ہے، نے اسٹیج پر ہاتھ ہلاتے ہوئے حماس کے دو ارکان کے ماتھے پر بوسہ دیا۔

غزہ جنگ بندی معاہدہ: حماس نے 6 اسرائیلی قیدیوں میں سے دو کو رہا کردیا

عالمی خبر رساں ادارے کے مطابق رہائی پانے والے اسرائیلی یرغمالی نے اپنے ساتھ کھڑے حماس کے جنگجوؤں کے ماتھے پر بوسہ دیا۔

رہائی پانے والے اسرائیلی یرغمالیوں نے ہاتھ ہلا کر حماس کا شکریہ بھی ادا کیا۔ یرغمالی مکمل صحت مند لگ رہے تھے۔

اسرائیلی یرغمالی کا یہ عمل قید کے دوران حماس کے حسنِ سلوک اور انسانی ہمدردی کی عکاس ہے۔

حماس نے چار اسرائیلی یرغمالیوں کی لاشوں کو ریڈ کراس کے حوالے کردیا

قبل ازیں حماس کی قید سے رہائی پانی والی اسرائیلی یرغمالی خواتین نے بھی حماس کے حسن سلوک کی تعریف کی تھی۔

اسرائیلی یرغمالیوں نے کہا تھا کہ انھیں کھانے پینے، ادویات اور علاج معالجے کی مکمل سہولت فراہم کی گئی تھی۔

اس کے برعکس معاہدے کے تحت اسرائیلی قید سے رہائی پانے والے فلسطینیوں کی حالت نہایت خراب تھی۔

فلسطینیوں کو اسرائیلی جیل میں تھرڈ ڈگری تشدد کا نشانہ بنایا جاتا تھا اور کھانے کے لیے زیادہ تر ایک روٹی اور پانی دیا جاتا تھا۔