بھارتی ریاست بہار میں ایک خاتون نے اپنے “ ظالم اور شرابی شوہر “ سے تنگ آ کر قرض کی وصولی کرنے والے ایجنٹ سے شادی کر لی۔

بھارتی میڈیا کی رپورٹس کے مطابق اندرا کماری نامی خاتون نے 2022 میں نکول شرما سے شادی کی تھی جو شراب پینے کا عادی ہے، وہ نشے کی حالت میں بیوی سے بدسلوکی اور انہیں تشدد کا نشانہ بناتا تھا۔

ظالم شوہر کو مزید برداشت کرنے سے قاصر اندار کماری نے اس مشکل سے نکلنے کا انوکھا راستہ تلاش کیا۔ خاتون کا سامنا پون کمار یادو نامی شخص سے ہوا جو ایک فنانس کمپنی میں کام کرنے والا ایجنٹ ہے۔

بھارت: بدمزاج شوہروں سے تنگ 2خواتین نے آپس میں شادی کرلی

ابتدائی طور پر اندرا کماری اور پون کمار یادو کا تعلق خالصتاً پیشہ ورانہ رہا لیکن بعد میں انہیں ایک دوسرے سے محبت ہوگئی۔

پانچ ماہ تک دونوں نے اپنے تعلق کو خفیہ رکھا اور 4 فروری 2025 کو ریاست مغربی بنگال بھاگ گئے۔

بارات واپس جانے پر دُلہا دُلہن کی پولیس اسٹیشن میں شادی کروا دی گئی

وہاں کچھ دن گزارنے کے بعد وہ جموئی واپس آئے جہاں انہوں نے 11 فروری 2025 کو ایک مندر میں روایتی ہندو رسومات کے تحت شادی کی۔

شادی کی تقریب میں کئی لوگوں نے شرکت کی جس کی ویڈیو سوشل میڈیا پر زیرِ گردش ہے۔

پون کمار یادو کے اہل خانہ نے خاتون کو قبول کر لیا لیکن اندرا کماری کی فیملی نے جوڑے کے خلاف پولیس میں مقدمہ درج کروا دیا۔

ایف آئی آر اور خاندان والوں کی دھمکیوں کو مدِ نظر رکھتے ہوئے جوڑے نے پولیس سے تحفظ فراہم کرنے کی درخواست کی ہے۔