پاکستان کا بھارت کے خلاف ون ڈے فارمیٹ اور چیمپئنزٹرافی میں پلڑا بھاری ہے لیکن دبئی میں بھارتی ٹیم پاکستان کے خلاف ناقابل شکست ہے۔

روایتی حریفوں بھارت اور پاکستان کا ون ڈے کرکٹ میں ایک بار پھر ٹکراؤ ہونے جارہا ہے، اوورل آل اور چیمپئنزٹرافی میں قومی ٹیم بھارت سے آگے ہیں۔

دونوں ٹیموں کے درمیان 135 میچز ہوئے جس میں سے بھارت نے 57 جیتے جبکہ 73 میچوں میں پاکستان نے بھارتی ٹیم کو دھول چٹائی۔

چیمپئنزٹرافی میں اب تک 5 بار آمنا سامنا ہوا، بھارتی ٹیم صرف 2 میں فاتح رہی جبکہ پاکستان نے 3 میچز میں میدان مارا، 2017 کے فائنل میں بھارت کوعبرتناک شکست دی۔

اس کے علاوہ دبئی میں بھارت پاکستان کے خلاف ناقابل شکست رہا ہے، ادھر دونوں ٹیموں کے درمیان 2 میچ ہوئے جبکہ دونوں میچز میں بھارتی ٹیم فاتح رہی۔