ضلع جھنگ سے تعلق رکھنے والا ایک انوکھا دولہا اپنی برات چھوڑ کر لاہور کے قذافی اسٹیڈیم میں چیمپئنز ٹرافی 2025 کا میچ دیکھنے پہنچ گیا۔ آسٹریلیا اور انگلینڈ کے درمیان ہونے والے اس میچ کے دوران جب رپورٹر نے دولہا سے سوال کیا تو اس کا کہنا تھا کہ ’اتنے سالوں بعد انٹرنیشنل کرکٹ پاکستان میں آئی ہے، کرکٹ پہلے اور شادی بعد میں ہے۔‘

دولہا نے مزید کہا کہ ’اگر دلہن ناراض ہوتی ہے تو ہوتی رہے، مگر ایک انٹرنیشنل ٹیم کو خوش آمدید کہنا زیادہ ضروری ہے۔‘

چیمپئنز ٹرافی: پاک بھارت میچ کے دوران بارش کا کتنا امکان ہے؟

اس حیران کن صورتحال نے اسٹیڈیم میں موجود کرکٹ شائقین کو بھی محظوظ کر دیا۔

واضح رہے کہ چیمپئنز ٹرافی 2025 کے چوتھے میچ میں انگلینڈ اور آسٹریلیا کی ٹیمیں مدِمقابل ہیں۔ یہ میچ قذافی اسٹیڈیم میں ہو رہا ہے، جہاں شائقین کرکٹ کا جوش و خروش عروج پر ہے۔