متحدہ عرب امارات کی جانب سے ویزا سے متعلق نئی ہدایات جاری کردی گئی ہیں۔

امارات سفارتخانے کے ترجمان کے مطابق ویزا فیس فی کس 69 امریکی ڈالر مختص کی گئی ہے جبکہ تمام ویزوں کے لیے آن لائن درخواست جمع کرانا لازمی ہوگی۔

ترجمان کے مطابق ویزا اپلائی کرنے کے بعد ایک نوٹیفکیشن جاری کیا جائے گا اور درخواست دہندگان کو ضروری دستاویزات اپنے ساتھ رکھنی ہوں گی۔

ترجمان کے مطابق بائیومیٹرک تصدیق اور ویزا پراسیسنگ کا عمل ویزا سینٹر میں مکمل کیا جائے گا۔

پاکستانی بنا ویزا کے قطر کیسے جا سکتے ہیں، شرائط کیا ہیں؟

یو اے ای سفارتخانے کے ترجمان نے بتایا کہ بینک اسٹیٹمنٹ میں کم از کم 5 ہزار امریکی ڈالر یا مساوی رقم ہونا ویزا پالیسی کی شرط ہے۔ سفارتخانے میں درخواست جمع کراتے وقت ہوٹل یا رہائش کا ثبوت فراہم کرنا ہوگا جبکہ اس کے لیے کنفرم ریٹرن ٹکٹ بھی ظاہر کرنا لازمی ہوگا۔

وہیں ویزا حاصل کرنے کیلئے پاسپورٹ کی میعاد کم از کم 6 ماہ ہونا لازمی ہونی چاہئیے اور ویزا فیس مخصوص الفلاح بینک اکاؤنٹ میں جمع کرانی ہوگی۔

پاکستانی شہریوں کیلئے سوئیڈن کا شینگن ویزا حاصل کرنے کا آسان طریقہ

علاوہ ازیں بڑوں کیساتھ بچوں کے ویزا سے متعلق بھی نئی ہدایات جاری کی گئی ہیں۔

5 سال سے کم عمر بچوں کو ویزا سینٹر جانے کی ضرورت نہیں جبکہ 6 سے 15 سال کے بچوں کی تصویر ویزا سینٹر میں لی جائے گی۔ 15 یا اس سے زائد عمر کے بچوں کو ویزا سینٹر جانا ضروری قرار دیا گیا ہے۔