بھارتی میڈیا کے مطابق گجرات میں شیر سڑک پر نکل آیا اور ہائی وے پر چہل قدمی کرتا رہا جس کو دیکھ کر سب دنگ رہ گئے۔

انڈیا ٹو ڈے کے مطابق گجرات کے ہائی وے پر شیر کی مٹر گشت کی ویڈیو سوشل میڈیا پر وائرل ہو گئی۔ گجرات میں شیر سڑک پر نکل آیا اور ہائی وے پر چہل قدمی کرتا رہا جس کو دیکھ کر سب دنگ رہ گئے۔

جنگل کے بادشاہ کے ٹہلنے کے باعث سومناتھ ہائی وے پر ٹریفک کی روانی متاثر ہوئی ہے۔

وائرل ویڈیو میں دیکھا جا سکتا ہے کہ لوگ اپنی گاڑیاں روک کر جنگل کے بادشاہ کے گزرنے کا انتظار کر رہے ہیں، اس موقع پر کسی کی بھی ہارن بجانے کی ہمت نہ ہوئی۔

شیر کی ویڈیو پر سوشل میڈیا صارفین کی جانب سے دلچسپ تبصرے کیے جا رہے ہیں، ایک صارف نے لکھا ہے کہ شہر میں بھی جنگل کے بادشاہ کا راج ہے۔

ایک اور صارف نے لکھا ہے کہ شیر کو تازہ ہوا کی ضرورت تھی اس لیے سڑک پر نکل آیا ہے، اب لوگوں کو چاہیے کہ آرام سے اس کے جانے کا انتظار کریں۔

واضح رہے کہ انٹرنیٹ پر بہت سی ویڈیوز وائرل ہو جاتی ہیں اور کچھ اتنی خوفناک ہوتی ہیں کہ وہ آپ کو ایک جگہ ساکت کردیتی ہیں یہ بھی ایسی ہی ایک ویڈیو ہے۔

اس سے قبل ایک ویڈیو وائرل ہوئی تھی جس پر صارفین کا کہنا تھا کہ جعلی ویڈیو ہے، ویڈیو میں خاتون دروازہ کھولتی ہے تو سامنے دیویکل شیر اسے گھو رہا ہوتا ہے۔