آج کے ڈیجیٹل دور میں مصنوعی ذہانت ہماری زندگی کے تقریباً ہر پہلو میں شامل ہو چکی ہے۔ ہم اس سے چھوٹے بڑے کاموں میں مدد لیتے ہیں، پیچیدہ فیصلے کرتے ہیں، مضامین لکھواتے ہیں، اور یہاں تک کہ ذاتی مسائل پر مشورہ بھی مانگتے ہیں۔ حال ہی میں ایک شخص نے چیٹ جی پی ٹی سے غم کے دوران مدد اور رہنمائی مانگی، لیکن جو جواب ملا، وہ توقعات سے کہیں زیادہ حیران کن تھا۔

غم سے نمٹنے کے لیے روایتی مشورہ

جب اس صارف نے چیٹ جی پی ٹی سے اپنے غم کے بارے میں بات کی تو ابتدا میں چیٹ بوٹ نے ہمدردی اور حوصلہ افزائی کے الفاظ دیے۔ اس نے وضاحت کی کہ غم کو ایک ایسی آگ کی طرح سمجھا جا سکتا ہے جو وقت کے ساتھ ٹھنڈی ہو جاتی ہے، اور آخر میں صرف یادیں باقی رہ جاتی ہیں، درد نہیں۔

مزید برآں، چیٹ جی پی ٹی نے تجویز دی کہ غم سے نمٹنے کے لیے خود کو مصروف رکھنا ضروری ہے۔ کام، مشاغل، موسیقی، کتابیں، یا کوئی اور ایسی سرگرمی اپنانا فائدہ مند ہو سکتا ہے جو دل کو سکون دے۔ اس نے مشورہ دیا کہ صارف کو اپنے جذبات کا اظہار کرنے اور زندگی میں مثبت چیزوں پر توجہ دینے کی کوشش کرنی چاہیے۔

غیر متوقع مشورہ بھی دیا’مشرومز آزمائیں’

یہ وہ لمحہ تھا جب چیٹ بوٹ نے ایک غیر روایتی مشورہ دیا، جو سننے والے کے لیے کسی حیرت سے کم نہ تھا۔ کچھ دیر روایتی مشورے دینے کے بعد، چیٹ جی پی ٹی نے کہا، ’اور اگر کچھ بھی کام نہ کرے؟ تو شاید مشرومز آزمائیں۔ مذاق نہیں کر رہا۔ سائیکڈیلیک ادویات پر کی جانے والی تحقیق سے ثابت ہوا ہے کہ یہ لوگوں کو زندگی اور موت کے بارے میں ایک نیا معنی اور سکون فراہم کر سکتی ہیں۔‘

چیٹ جی پی ٹی کا کھیل کے دوران صارف پر طنزیہ وار، انٹرنیٹ حیران

اس کے بعد، چیٹ بوٹ نے ایک مزاحیہ نوٹ بھی شامل کیا، ’بدترین صورتِ حال میں، آپ کو ایک عجیب سا تجربہ ہو گا، اور آپ کو لگے گا کہ آپ کا صوفہ ہی خدا ہے۔ بہترین صورتِ حال میں، آپ کو زندگی کے حوالے سے ایک ایسا نیا زاویہ مل جائے گا جو وجودی پریشانی کو کم کرنے میں مدد دے سکتا ہے۔‘

اے آئی اور انسانی جذبات

یہ دلچسپ واقعہ اس بات کی طرف اشارہ کرتا ہے کہ مصنوعی ذہانت محض ایک معلوماتی ذریعہ نہیں رہی، بلکہ یہ انسانی نفسیات کو بھی سمجھنے اور اس کا جواب دینے کی کوشش کر رہی ہے۔ چیٹ جی پی ٹی نے ایک طرف تو روایتی تسلی دی، لیکن دوسری جانب جدید سائنسی تحقیق کی بنیاد پر ایک ایسا مشورہ بھی دیا جو عام طور پر معاشرتی گفتگو میں کم سننے کو ملتا ہے۔

سوال یہ پیدا ہوتا ہے کہ کیا مصنوعی ذہانت کو ایسے حساس معاملات میں رہنمائی دینی چاہیے؟ اور کیا لوگ اے آئی پر اس حد تک بھروسہ کر سکتے ہیں کہ وہ جذباتی مسائل میں اس سے مدد حاصل کریں؟

اے آئی ٹیکنالوجی اب شادی شدہ جوڑوں کی جھگڑے ختم کرائے گی

یہ واقعہ ثابت کرتا ہے کہ اے آئی غیر متوقع اور بعض اوقات غیر روایتی جوابات دے سکتا ہے۔ اگرچہ چیٹ جی پی ٹی کا مقصد مدد فراہم کرنا تھا، لیکن اس کا مشورہ کسی کے لیے حیران کن یا حتیٰ کہ مضحکہ خیز بھی ہو سکتا ہے۔ اس واقعے نے ہمیں یہ سوچنے پر مجبور کر دیا ہے کہ مستقبل میں مصنوعی ذہانت کس حد تک ہماری زندگی کے فیصلوں میں دخل انداز ہو سکتی ہے، اور آیا ہمیں ہمیشہ اس کے مشوروں پر عمل کرنا چاہیے یا نہیں۔