آئی ایس پی آرکا کہنا ہے کہ آرمی چیف جنرل عاصم منیر نے دورہ برطانیہ کے دوران برطانیہ کے وارمنسٹر اور لارک ہل گیریژن کا دورہ کیا۔ آرمی چیف نے جنرل رولینڈ واکر کی دعوت پردورہ کیا۔

پاک فوج کے شعبہ برائے تعلقاتِ عامہ( آئی ایس پی آر) کی جانب سے جاری بیان میں کہا گیا کہ آرمی چیف جنرل سید عاصم منیر نے اپنے برطانوی ہم منصب جنرل رولینڈ واکر کی دعوت پر برٹش آرمی کے وار منسٹر اور لارک ہل گیریژنز کا فیلڈ وزٹ کیا۔

ترجمان پاک فوج کا کہنا ہے کہ اس موقع پر آرمی چیف جنرل سید عاصم منیر کو برطانوی فوج اور ڈیپ ریکی اسٹرائیک بریگیڈ کی جدید پسندی کے منصوبوں پر بریفنگ دی گئی۔

آئی ایس پی آرکے مطابق آرمی چیف جنرل سید عاصم منیر نے برطانوی فوج کی جانب سے آرٹیفیشل انٹیلی جنس (اے آئی) اور بغیر عملے کے نظام سمیت مختلف زیر استعمال ٹیکنالوجیز کی نمائش مشاہدہ بھی کیا۔