باجوڑ میں پانچ سالہ بچی ماریہ بی بی قتل کیس میں زیادتی کا انکشاف ہوا ہے، ملزم نے زیادتی کا نشانہ بنانے کے بعد بچی کا گلا دبا کر قتل کیا اور بعد میں پتھر بھی مارے۔

پوسٹ مارٹم رپورٹ نے ملزم کا بھانڈا پھوڑ دیا۔ ملزم بلال بچی کا قریبی رشتہ دار نکلا۔

ڈسٹرکٹ پولیس آفیسر باجوڑ وقاص رفیق نے پریس کانفرنس کرتے ہوئے کہا کہ گزشتہ روز تحصیل وڑ ماموند کے علاقہ مینہ میں بچی کے قتل کے واقعہ کے بعد ملزم بلال ولد حبیب الرحمن کو شک کے بنیاد پرتفتیش کے دائرے میں لایا گیا۔

ڈسٹرکٹ پولیس آفیسر ملزم نے تفتیش کے دوران اعتراف جرم کرلیا۔ 16 سالہ ملزم بلال بچی کا قریبی رشتہ بھی ہے۔

ڈی پی او کے مطابق ملزم نے سموسے کا لالچ دے کر بچی کا ریپ کیا اور بعد میں اس کو قتل کردیا۔ ملزم کے موبائل میں فحش ویڈیوز تھی۔

وقاص رفیق نے میڈیا کو بتایا کہ ملزم نے بچی کی منہ پر ہاتھ رکھ کر سانس بند کرکے قتل کیا اور بعد میں پتھر بھی مارے گئے۔

پولیس کے مطابق ملزم نے قتل پکڑے جانے کے ڈر کیوجہ سے کیا۔ پولیس نے واقعے کے 12 گھنٹے بعد ملزم کو گرفتارکرلیا۔ شواہد کو فرانزک ٹیسٹ کیلئے بھیج دیا گیا۔