امریکا میں مرغی کے انڈے سونے کے بن گئے، ترکی سے مدد لینی پڑ گئی
امریکا میں مرغی کے انڈے سونے کے بن گئے جس کے بعد حکام نے ترکیہ سے مدد لینے کا فیصلہ کرلیا۔
روئٹرز کی رپورٹ کے مطابق امریکا میں برڈ فلو پھیلنے سے انڈوں کی پیداوار میں بڑی کمی آئی ہے جس کے باعث انڈوں کی قیمتیں آسمان کی بلندیوں تک پہنچ گئی ہیں۔
رپورٹ کے مطابق برڈ فلو کی وبا پھیلنے کے بعد امریکا نے ترکیہ کی طرف دیکھنا شروع کردیا۔ ترکیہ کی جانب سے امریکا کو تقریباً 15000 ٹن انڈے بھیجنے کا فیصلہ کیا گیا ہے۔
رپورٹ میں کہا گیا کہ امریکا میں لاکھوں انڈے دینے والی مرغیاں مر چکی ہیں جس کے باعث انڈوں کی شدید قلت لاحق ہوگئی۔ امریکا میں اب گروسری اسٹورز انڈوں کی فروخت کو محدود کر رہے ہیں جبکہ ریوسٹورنٹس میں بھی انڈوں سے بننے والی ڈشز کی قیمتوں میں بھی اضافہ دیکھنے میں آیا ہے۔
امریکا میں برڈ فلو کے خطرات؛ نیویارک میں پرندوں کی مارکیٹس بند کر دی گئیں
ترکیہ میں انڈوں کی پیداوار کے ادارے کے سنٹرل یونین کے چیئرمین ابراہیم عفیون نے کہا کہ ترکیہ کی جانب سے امریکا کو ترسیل اس ماہ شروع ہوئی جو جولائی تک جاری رہے گی۔ برآمد کو ضروری اجازت نامے کے ساتھ کمپنیاں سنبھالیں گی جبکہ دو تجارتی کمپنیاں اس عمل کی نگرانی کریں گی۔
انہوں نے مزید کہا کہ ترکیہ امریکا کو کُل 15 ہزار ٹن انڈے ایکسپورٹ کرے گا۔ ان کا کہنا تھا کہ ترکیہ دنیا کے 10 بڑے انڈوں کے برآمد کنندگان میں شامل ہوتا ہے۔
اماراتی صدر سے امریکی وزیر خارجہ کی ملاقات، فلسطین سے متعلق امریکا کو دو ٹوک جواب
امریکا برڈ فلو کے پھیلاؤ کو روکنے کی کوشش کر رہا ہے۔ یہ وبا ٹیکساس میں گزشتہ برس مارچ میں مویشیوں میں پھیلنی شروع ہوئی تھی جو بڑھتے بڑھتے 17 ریاستوں کے فارموں تک پھیل گئی۔ تقریباً 70 افراد اس وائرس کا شکار ہوچکے ہیں جن میں زیادہ تر فارم ورکرز ہیں۔ برڈ فلو کا شکار ایک شخص ہلاک بھی ہوگیا۔
Comments are closed on this story.