آئی سی سی چیمپئنز ٹرافی کے افتتاحی میچ میں نیوزی لینڈ کے خلاف پاکستان کے فاسٹ بولر حارث رؤف مہنگے ترین بولر ثابت ہوئے جنہوں نے 10 اوورز میں دو وکٹیں تو ضرور لیں مگر سب سے زیادہ 83 رنز دیے۔

تفصیلات کے مطابق آئی سی سی چیمپئنز ٹرافی کا افتتاحی کراچی کے نیشنل اسٹیڈیم میں کھیلا گیا، قومی ٹیم کے کپتان محمد رضوان نے ٹاس جیت کر پہلے فیلڈنگ کا فیصلہ کیا جو ابتدا میں اچھا ثابت ہوا تاہم ول یانگ کے ڈٹ جانے پر پاکستانی بولرز بے بس نظر آئے۔

ایک موقع پر نیوزی لینڈ کے 8.1 اوور میں 40 رنز پر 2 کھلاڑی آؤٹ ہوگئے تھے تاہم ول یانگ نے ذمہ دارانہ اور شاندار بیٹنگ کر کے ساتھی کے ساتھ اسکور کو 73 تک پہنچایا تو مچل آؤٹ ہوگئے۔

پھر ٹام لاتھم اور ول یانگ نے 118 رنز کی شاندار پارٹنر شپ قائم کی اور پاکستان کے تمام ہی باولرز کو شاندار انداز سے کھیلا، ول یانگ 191 کے مجموعی اسکور پر 107 رنز بناکر نسیم شاہ کا شکار بنے، اس کے بعد لاتھم اور گلین فلپس نے جارحانہ انداز اپناتے ہوئے آخری کے 10 اوورز میں 125 رنز بنائے۔

چیمپئنزٹرافی میں دفاعی چیمپئن پاکستان پہلے امتحان میں ناکام، 60 رنز کے بڑے مارجن سے شکست

اس طرح نیوزی لینڈ نے ٹام لاتھم، ول یانگ اور گلین فلپس کی شاندار بیٹنگ کی بدولت پاکستان کو جیت کے لیے 321 رنز کا ہدف دیا۔

پاکستان کے مہنگے ترین بولر

حارث رؤف پاکستان کے مہنگے ترین بولر ثابت ہوئے جنہوں نے 10 اوورز میں دو وکٹیں تو ضرور لیں مگر سب سے زیادہ 83 رنز دیے۔

اس کے بعد شاہین آفریدی نے 10 اوورز میں 68 رنز دیے اور کوئی وکٹ حاصل نہیں کی جبکہ نسیم شاہ نے 10 اوورز میں 63 رنز دے کر 2 کھلاڑیوں کو اپنا شکار بنایا۔

ابرار احمد نیوزی لینڈ کے خلاف پاکستان کے بہترین بولر ثابت ہوئے جنہوں نے شاندار گیند بازی کرتے ہوئے اپنی گھومتی گیندوں سے کیوی بلے بازوں کو نہ صرف پریشان کر کے رکھا بلکہ 10 اوورز میں 47 رنز دے کر ایک کھلاڑی کو اپنا شکار بھی بنایا۔

اس کے علاوہ خوش دل شاہ نے 7 اوورز میں 5.71 کے اکنامی ریٹ سے 70 رنز دیے اور سلمان علی آغا نے تین اوورز میں 15 رنز دیے جبکہ دونوں کوئی وکٹ حاصل نہیں کرسکے۔

چیمپئنز ٹرافی کے افتتاحی میچ میں فخر زمان پاکستان کیلئے اوپننگ کیلئے کیوں نہیں آئے؟

چیمپئنزٹرافی کے افتتاح پر ہی بابراعظم سے اہم اعزاز چھن گیا

یاد رہے کہ اس میچ میں نیوزی لینڈ کے 321 رنز کے تعاقب میں پاکستانی بیٹنگ لائن ڈگمگا گئی اور 260 رنز پر ہی ڈھیر ہوگئی، اس طرح کیویز نے یہ میچ 60 رنز کے بڑے مارجن سے جیت لیا۔