پاکستان تحریک انصاف (پی ٹی آئی) کے اندرونی اختلافات بڑھتے جا رہے ہیں، پارٹی کے صوابی گروپ اور یوتھ گروپ نے جنید اکبر کو بطور صوبائی صدر اب تک قبول نہیں کیا۔ ذرائع کے مطابق، جنید اکبر کا بطور چیئرمین پبلک اکاؤنٹس کمیٹی (پی اے سی) عہدہ بھی پی ٹی آئی کے مختلف دھڑوں کو کھٹکنے لگا ہے۔

ذرائع کا کہنا ہے کہ پی ٹی آئی خیبرپختونخوا نے جنید اکبر کی کارکردگی پر گہری نظر رکھ لی ہے اور کسی بھی کمزوری کی صورت میں مخالف دھڑے متحرک ہونے کو تیار ہیں۔ پارٹی کے پبلک اکاؤنٹس کمیٹی کے ممبران کو بھی جنید اکبر کی کارکردگی پر نظر رکھنے کی ہدایت کی گئی ہے۔

اچانک عمران خان کےانتہائی قابل اعتماد بننے والے جنید اکبر کون ہیں

ذرائع کے مطابق، پی ٹی آئی کے تمام دھڑوں نے صرف بانی تحریک انصاف کے فیصلے کی وجہ سے جنید اکبر کو قبول کیا ہے۔

جنید اکبر کا انکشاف: پی ٹی آئی کے 90 فیصد عہدیداروں نے صوابی جلسے سے متعلق غلط معلومات شیئر کیں

اس سے قبل، پبلک اکاؤنٹس کمیٹی کے لیے وقاص اکرم پی ٹی آئی کے واحد امیدوار تھے، تاہم بانی تحریک انصاف کے فیصلے کے بعد جنید اکبر کو اس عہدے کے لیے منتخب کیا گیا، جس کے بعد حکومت نے انہیں نوٹیفائی کر دیا۔