چکن پکانے کا عمل صرف مصالحے اور طریقۂ کار تک محدود نہیں بلکہ چکن کو کاٹنے کا انداز بھی اس کے ذائقے، ساخت اور پکانے کے وقت پر براہِ راست اثر انداز ہوتا ہے۔ اگر آپ چکن کو صحیح طریقے سے کاٹنے کا ہنر سیکھ لیں تو یہ نہ صرف آپ کے کھانوں کے ذائقے کو بہتر بنائے گا بلکہ کھانے کو جلدی اور مختلف انداز سے پکانے میں بھی مدد دے گا۔

مشہور شیف اننیا بنرجی کے مطابق، چکن کو مختلف انداز میں کاٹنے سے پکوان میں نمایاں فرق آتا ہے۔ آئیے آج ہم چکن کاٹنے کے ایسے شاندار طریقے آپ کے ساتھ شئیر کرتے ہیں کہ آپ کا ہر پکوان بنے لاجواب۔

پتلی لمبی پٹیاں (Strips)

چکن کو تقریباً ¼ انچ موٹی لمبی، پتلی پٹیوں میں کاٹ لیں، یہ طریقہ آپ کو کیا کیا فائدے دے سکتا ہے سب سے پہلے تو یہ چکن جلدی پکنے کی صلاحیت رکھتی ہے، خاص طور پر تیز آنچ پر پکانے کے لیے بہترین ہے۔ اسکے علاوہ میرینیٹ اور سیزننگ کو اچھی طرح جذب کرتی ہے، جس سے ذائقہ گہرا اور مزیدار ہوجاتا ہے۔ اگر زیادہ پکایا جائے تو خشک ہونے کا امکان ہوتا ہے، لہٰذا احتیاط ضروری ہے۔

آلو پیازسے اُکتا جانے والے اب ’چکن پکوڑے‘ ٹرائی کریں

چھوٹے مربع نما ٹکڑے (Cubes)

چکن کو چھوٹے، یکساں سائز کے ½ انچ یا 1 انچ کے ٹکڑوں میں کاٹا جاتا ہے۔ تمام ٹکڑے یکساں ہونے کی وجہ سے پکانے میں آسانی ہوتی ہے اور ہر ٹکڑا ایک ساتھ پک جاتا ہے۔ میرینیڈ کے لیے بہترین انتخاب کیونکہ اس کی سطح کا زیادہ حصہ مسالوں کو جذب کرتا ہے۔ چٹنی والے پکوان میں بہترین نتائج دیتا ہے کیونکہ یہ رسیلا اور نرم رہتا ہے۔

تتلی کٹ (Butterfly)

چکن بریسٹ کو افقی طور پر کاٹ کر کتاب کی طرح کھولا جاتا ہے لیکن مکمل طور پر جدا نہیں کیا جاتا۔

چکن کو موٹا رکھنے کے باوجود پکنے کا وقت کم کرتا ہے۔ پکانے کے دوران یکساں طور پر گرمی ملتی ہے، جس سے چکن جوسی اور نرم رہتا ہے۔ بھرے ہوئے چکن کے پکوان جیسے اسٹفڈ چکن بریسٹ کے لیے بہترین ہے۔

پیلارڈ کٹ (Pounded Cut)

چکن بریسٹ کو پلاسٹک ریپ میں لپیٹ کر یکساں پتلا کر لیا جاتا ہے۔

بہت تیزی سے اور یکساں پک جاتا ہے، جس سے کھانے کا وقت کم ہوتا ہے۔ نرم ساخت میں نتائج دیتا ہے، جو کہ سنہری فرائی کرنے کے لیے موزوں ہے۔ کڑاہی میں تلنے اور بریڈنگ (Breaded Chicken) کے لیے بہترین ہے کیونکہ اس میں کرسپی ٹیکسچر بنتا ہے۔

ترچھی سلائسز (Angled Slices at 45°)

چکن بریسٹ کو 45 ڈگری کے زاویے پر پتلے ٹکڑوں میں کاٹا جاتا ہے۔ میرینیڈ کے جذب ہونے کے لیے زیادہ سطح فراہم کرتا ہے، جس سے چکن زیادہ ذائقے دار ہوجاتا ہے۔ پلیٹنگ میں خوبصورت اور پیشکش میں دلکش نظر آتا ہے۔ سیدھی سلائیسز کے مقابلے میں زیادہ نمی برقرار رکھتا ہے، جس سے چکن خشک نہیں ہوتا۔

کٹا ہوا چکن (Shredded Chicken)

پکے ہوئے چکن کو کانٹے یا ہاتھوں کی مدد سے لمبی، باریک دھاگہ نما پٹیوں میں الگ کر لیا جاتا ہے۔ چٹنیوں کو خوبصورتی سے جذب کرتا ہے، جس سے کھانے میں بہترین ذائقہ آتا ہے۔ نرم اور رسیلی ساخت فراہم کرتا ہے، جو برگرز، سینڈوچز اور تکہ رولز میں بہترین لگتا ہے۔ آہستہ پکائے جانے والے کھانوں کے لیے موزوں ہے کیونکہ یہ زیادہ دیر تک نرم اور جوسی رہتا ہے۔

بے ترتیب کٹ (Rough Cut)

چکن کو بے قاعدہ اور مختلف سائز کے چھوٹے ٹکڑوں میں کاٹا جاتا ہے۔ جلدی تیار ہونے والا انداز، جو فوری کھانے اور گھریلو پکوان کے لیے بہترین ہے۔ پاستا اور دہی والے پکوانوں میں اچھا کام کرتا ہے، کیونکہ ساخت میں تنوع آتا ہے۔ مختلف ترکیبوں میں ایڈجسٹ ہوسکتا ہے اور کھانے میں مزید دلکشی لاتا ہے۔

ہریالی تکہ سے زیادہ مزیدار ہریالی چکن ریسیپی کا لطف اٹھائیں

چکن کو کاٹنے کا طریقہ اس کے پکانے کے وقت، ذائقے کی شدت، اور ساخت کو براہِ راست متاثر کرتا ہے۔ اگر آپ باریک سٹرپس میں کاٹیں گے، تو چکن جلدی پک جائے گا، جبکہ تتلی کٹ یا پیلارڈ طریقہ چکن کو نرم اور جوسی رکھے گا۔ دوسری طرف، کیوبز اور ترچھی سلائسز زیادہ ذائقہ جذب کرتے ہیں، اور شریڈڈ چکن چٹنی میں بہترین کام کرتا ہے۔ اس لیے، کھانے کی قسم اور ترکیب کے مطابق چکن کاٹنے کا طریقہ آپ کے کھانے کے معیار کو نمایاں طور پر بہتر کردیتا ہے۔