یوکرین میں جنگ بندی کے لیے مذاکرات جلد سعودی عرب میں شروع ہونے کی توقع ہے، جہاں امریکی انتظامیہ کے سینئر حکام روسی اور یوکرینی حکام کے ساتھ بات چیت کریں گے۔ امریکی میڈیا کے مطابق، وزیر خارجہ مارکو روبیو اور مشرق وسطیٰ کے ایلچی اسٹیووٹ کوف جلد سعودی عرب روانہ ہوں گے۔

مذاکرات میں یوکرین کے صدر ولادیمیر زیلنسکی کو بھی شرکت کی دعوت دے دی گئی ہے، جبکہ سعودی ولی عہد محمد بن سلمان بھی مذاکرات میں شریک ہوں گے۔

امریکی وزیر خارجہ مارکو روبیو اپنے مشرق وسطیٰ کے پہلے دورے کے دوران اسرائیل پہنچ گئے ہیں، جہاں وہ اسرائیلی حکام سے ملاقات کریں گے۔

ٹرمپ کی دھمکی کے بعد کینیڈا کے جھنڈوں کی فروخت میں اضافہ

ان ملاقاتوں میں حماس کے زیر حراست باقی ماندہ یرغمالیوں، غزہ اور ایران میں جنگ بندی کے معاہدے پر گفتگو کی جائے گی۔ مارکو روبیو اسرائیل کے بعد سعودی عرب اور متحدہ عرب امارات کا بھی دورہ کریں گے۔

امریکی وزیر خارجہ کا روسی ہم منصب سے ٹیلیفونک رابطہ

دوسری جانب، امریکی وزیر خارجہ مارکو روبیو اور روسی وزیر خارجہ سرگئی لاوروف کے درمیان ٹیلیفونک رابطہ ہوا ہے۔ خبر ایجنسی کے مطابق، دونوں رہنماؤں نے امریکا اور روس کے درمیان سفارتی روابط برقرار رکھنے پر تبادلہ خیال کیا۔

لندن میں ہزاروں افراد کا فلسطین کے حق میں مظاہرہ، ٹرمپ کے غزہ پلان کو مضحکہ خیز قرار دے کر مسترد کر دیا

ٹیلیفونک گفتگو میں امریکی صدر اور روسی صدر کے درمیان ممکنہ ملاقات کے امکانات پر بھی بات چیت ہوئی، جبکہ یوکرین، مشرق وسطیٰ اور دیگر عالمی مسائل پر بات چیت جاری رکھنے پر اتفاق کیا گیا۔