بین القوامی مالیاتی فنڈ (آئی ایم ایف) کا وفد ضروری ملاقاتوں اور اہم امور پر بریفنگ کے بعد واپس روانہ ہوگیا ہے۔ وفد نے پاکستان میں قیام کے دوران گورننس اور احتساب کو بہتر بنانے کے حوالے سے مختلف وزارتوں اور حکام سے ملاقاتیں کیں۔ آئی ایم ایف ٹیم نے کابینہ ڈویژن کے سیکریٹری کی سربراہی میں وزارت خزانہ، اقتصادی امور، تجارت، نجکاری اور دیگر اداروں کے نمائندوں سے تبادلہ خیال کیا۔

وفد کو فنانشل مانیٹرنگ یونٹ کی کارکردگی پر بریفنگ دی گئی اور مشکوک مالی ترسیلات، پورٹنگ اور تحقیقات سے متعلق امور پر آگاہ کیا گیا۔ دہشتگردوں کی مالی معاونت کی روک تھام پر بھی تفصیلی گفتگو ہوئی۔

وزیراعظم کی انٹرنیشنل فنانس کارپوریشن کے سربراہ سے ملاقات، مزید 20 ارب ڈالر ملنے کی امید

اس دوران آئی ایم ایف وفد نے آڈیٹر جنرل پاکستان سے بھی ملاقات کی اور آڈٹ کے طریقہ کار اور پی اے سی کی ہدایات پر عملدرآمد سے متعلق سوالات اٹھائے۔ وفد نے چیف جسٹس آف پاکستان سے بھی ملاقات کی اور قانونی و عدالتی امور پر تبادلہ خیال کیا۔

ذرائع کے مطابق آئی ایم ایف کا وفد مارچ کے آخری ہفتے میں دوبارہ پاکستان کا دورہ کرے گا۔