Aaj News

پیر, مارچ 31, 2025  
01 Shawwal 1446  

واٹس ایپ گروپ چیٹس کیلئے دلچسپ فیچر متعارف کرادیا گیا

نئے فیچر کو جلد میٹا کی زیرملکیت میسجنگ ایپ کا حصہ بنایا جارہا ہے
شائع 13 فروری 2025 11:52pm

معروف میسجنگ ایپ واٹس ایپ مسلسل نئے اور دلچسپ فیچرز پر کام کرتا رہتا ہے تاکہ صارفین کسی اور ایپلی کیشن کا رخ نہ کریں۔

حال ہی میں ایک نئے فیچر کو جلد میٹا کی زیرملکیت میسجنگ ایپ کا حصہ بنایا جارہا ہے جو صارفین کو گروپ چیٹس کو آرگنائز کرنے میں مدد فراہم کرے گا۔

واٹس ایپ کی اپ ڈیٹس پر نظررکھنے والی سائٹ wabetainfo کی ایک رپورٹ میں بتایا گیا کہ یہ نیا فیچر ابھی اینڈرائیڈ صارفین کے لیے واٹس ایپ کے نئے بیٹا (beta) ورژن میں شامل کیا گیا ہے۔

رپورٹ میں اسکرین شاٹ شیئر کیا گیا ہے، جس سے عندیہ ملتا ہے کہ آپ اپنے ساتھ ساتھ گروپ کے تمام ممبرز کے لیے بھی لیبلز کا استعمال کرسکتے ہیں۔

مگر جب آپ کسی گروپ ممبر کے لیے لیبلز کا استعمال کریں گے تو وہ صرف اسی گروپ میں کام کرے گا، دیگر مشترکہ گروپس میں اس فرد کے لیے الگ سے لیبلز کا استعمال کرنا ہوگا۔

یہ بات بھی قابلِ غور ہے کہ جب کسی گروپ میں آپ اپنے لیے کسی لیبل کا استعمال کریں گے تو وہ اس وقت تک برقرار رہے گا جب تک آپ اسے بدل نہیں دیتے، چاہے آپ واٹس ایپ کو دوبارہ ہی ری انسٹال کیوں نہ کریں، آپ ان لیبلز سے جان سکیں گے کہ کسی واٹس ایپ گروپ چیٹ میں کسی رکن کا کردار کیا ہے۔

WhatsApp

FEATURE

introduced