ترجمان وزارت مذہبی امور کا کہنا ہے کہ سرکاری حج اسکیم میں تیسری قسط جمع کروانے کا کل بروز جعمے کو آخری دن ہے۔

وازرات مذہبی امور کے ترجمان کا کہنا ہے کہ عازمین حج نامزد بینکوں میں تیسری قسط 14 فروری تک لازمی جمع کروائیں، تیسری قسط جمع نہ کروانے کی صورت میں درخواست منسوخ کی جا سکتی ہے۔

ترجمان وزارت مذہبی امور نے کہا کہ عازمین حج متعلقہ بینک برانچ سے حج واجبات کی کمپیوٹرائزڈ رسید ضرور حاصل کریں۔

حج 2025 : بچوں کو ساتھ لے جانے سے متعلق سعودی وزارت حج کا اہم اعلان

وزرات مذہبی امور کے ترجمان کا مزید کہنا ہے کہ عازمین حج قربانی، شارٹ سے لانگ دورانیہ، کمرے کی سہولت، روانگی کا مقام بینک میں تبدیل کروا سکتے ہیں۔

دریں اثنا حج 2024 میں بچت کے پونے 5 ارب روپے کی واپسی کا سلسلہ جاری ہے، اکثر بینکوں نے گزشتہ سال کے حجاج کے اکاؤنٹس میں رقوم بھجوا دیں۔

گزشتہ سال کے حجاج سے کہا گیا ہے کہ وہ رقم کی واپسی کے سلسلے میں اپنی متعلقہ بینک برانچ سے رابطہ کریں۔