حکومت نے الیکٹرک وہیکلز (ای وی) چارجنگ اسٹیشنز کے لیے بجلی کے نرخوں میں کمی کا فیصلہ کرتے ہوئے نیپرا سے رجوع کر لیا ہے۔

ذرائع کے مطابق، ای وی چارجنگ اسٹیشنز کو فی یونٹ بجلی 23 روپے 57 پیسے تک فراہم کیے جانے کا امکان ہے۔ تاہم، ٹیکسز میں نظرثانی کے بعد ان اسٹیشنز کو بجلی 39 روپے فی یونٹ میں پڑے گی۔

کراچی سمیت ملک بھر میں بجلی سستی ہونے کا امکان

وفاقی حکومت کی جانب سے نیپرا میں جمع کرائی گئی درخواست میں کہا گیا ہے کہ موجودہ نرخ تقریباً 45 روپے فی یونٹ ہے، جبکہ مختلف ٹیکسز اور ایڈجسٹمنٹس کے بعد چارجنگ اسٹیشنز کو بجلی 71 روپے 10 پیسے فی یونٹ تک مہنگی پڑتی ہے۔

نیپرا آج حکومت کی درخواست پر سماعت کرے گا، جس میں تجویز دی گئی ہے کہ پہلے سے نافذ نرخ اور نئے نرخ کے فرق کو کراس سبسڈی کے ذریعے متوازن کیا جائے۔

بجلی کی 3 تقسیم کار کمپنیوں کی نجکاری کیلئے اہم پیشرفت، کنسورشیم سے معاہدہ ہوگیا

وفاقی حکومت کا مؤقف ہے کہ نئے نرخوں پر تمام ٹیکسز اور ایڈجسٹمنٹ کا اطلاق ہوگا اور اس اقدام سے 2030 تک ای وی اہداف حاصل کیے جا سکیں گے۔ پاکستان نے 2030 تک ملک میں 30 فیصد گاڑیوں کو الیکٹرک پر منتقل کرنے کا ہدف مقرر کر رکھا ہے۔