پونے کے ایک پُرسکون علاقے میں اُس وقت سنسنی پھیل گئی جب ایک رہائشی ہاؤسنگ سوسائٹی میں پاکستانی 20 روپے کا کرنسی نوٹ برآمد ہوا۔ یہ حیران کن دریافت بھوکم گاؤں کی مانس لیک ہاؤسنگ سوسائٹی میں ہوئی، جو کہ نیشنل ڈیفنس اکیڈمی سے محض 18 کلومیٹر کے فاصلے پر واقع ہے۔

ہوا کچھ یوں کہ ہاؤسنگ سوسائٹی کے چیئرمین سہدیو یادو کو لفٹ کے قریب ایک پاکستانی نوٹ نظر آیا۔ انہوں نے فوراً دیگر رہائشیوں کو آگاہ کیا اور معاملے کو سنجیدگی سے لیتے ہوئے باودھن پولیس اسٹیشن سے رجوع کیا۔

پولیس نے فوری طور پر تحقیقات کا آغاز کر دیا ہے، لیکن ابھی تک کوئی ایف آئی آر درج نہیں کی گئی۔

بھارت کے نیوکلئیر پروگرام کو بڑا جھٹکا

پولیس انچارج انیل وبھوٹے کے مطابق، سوسائٹی میں 84 فلیٹس ہیں اور لفٹ کے قریب ایک سی سی ٹی وی کیمرہ بھی نصب ہے، مگر بدقسمتی سے وہ 24 نومبر سے خراب پڑا ہے۔ اب پولیس علاقے کے دیگر سی سی ٹی وی فوٹیج چیک کرنے اور رہائشیوں کے بیانات قلمبند کرنے میں مصروف ہے تاکہ معلوم ہو سکے کہ آخر یہ نوٹ یہاں کیسے پہنچا۔

معاملہ محض اتفاق یا کچھ اور۔۔ انڈیا پریشان ہے؟

یہ سوال ابھرتا ہے کہ آیا یہ نوٹ کسی مسافر کے پرس سے گر گیا، کسی نے مذاق میں چھوڑ دیا، یا پھر اس کے پیچھے کوئی گہری کہانی ہے؟ خاص طور پر جب یہ جگہ این ڈی اے یعنی ’نیشنل ڈیفنس اکیڈمی‘ کے قریب واقع ہے، تو معاملے کی نزاکت مزید بڑھ جاتی ہے۔

پی ٹی آئی نے یومِ سیاہ پر بھارتی پولیس کی بھی دوڑیں لگوادیں

پولیس نے یقین دہانی کرائی ہے کہ کسی بھی حفاظتی خطرات کا اندازہ لگانے کے لیے مکمل تحقیقات کی جائیں گی۔ قومی سلامتی پر بڑھتے ہوئے خدشات کے ساتھ، حکام پر زور دیا جا رہا ہے کہ وہ علاقے میں نظر رکھیں اور نگرانی کو مضبوط کریں۔

بھارت کا جنگی جنون: دفاعی بجٹ میں 9.5 فیصد اضافہ، 21 کھرب 94 ارب روپے مختص

معاملہ کچھ بھی ہو پاکستان کا نام آتے ہی انڈیا کی نیندیں اڑ جاتی ہیں- ہم سب جانتے ہیں اس سے پہلے کبوتر کو پاکستانی جاسوس قرار دیا جا چکا ہے، اب پولیس کی تحقیقات پاکستانی نوٹ پر مرکوز ہیں۔