سونے کی عالمی اور مقامی قیمتوں میں ایک بار پھر بڑا اضافہ ہوگیا۔

آل پاکستان جیمز اینڈ جیولرز ایسوسی ایشن کے مطابق بین الاقوامی بلین مارکیٹ میں فی اونس سونے کی قیمت میں 42 ڈالر کے اضافے کے بعد 2903 ڈالر کی بلند سطح پر پہنچ گئی۔

دوسری جانب مقامی صرافہ بازاروں میں پیر کے روز 24 قیراط کے حامل فی تولہ سونے کی قیمت 4 ہزار روپے کے بڑے اضافے سے 3لاکھ 3 ہزار روپے کی بلند سطح پر آگئی۔

ایسوسی ایشن کے مطابق ملک میں فی 10 گرام سونے کی قیمت 3429 روپے بڑھ کر 2لاکھ 59ہزار 773روپے کی بلند سطح پر آگئی ہے۔

سونے کی قیمتوں میں اضافے کے اثرات چاندی کی قیمتوں پر بھی مرتب ہورہے ہیں، صرافہ مارکیٹوں میں فی تولہ سونے کی قیمت 43 روپے کے اضافہ سے 3ہزار 373روپے اور 10گرام چاندی کی قیمت بھی 32روپے کے اضافے سے 2 ہزار 891 روپے کی سطح پر آگئی ہے۔