سیکورٹیز اینڈ ایکس چینج کمیشن آف پاکستان (ایس ای سی پی) نے جنوری 2025 میں سب سے زیادہ 3,442 نئی کمپنیز کی رجسٹریشن کا ریکارڈ قائم کیا ہے۔ اس میں سب سے زیادہ آئی ٹی کے شعبے میں 652 نئی کمپنیز کی رجسٹریشن کی گئی۔

ایس ای سی پی کی جانب سے جاری کردہ رپورٹ کے مطابق، جنوری میں تجارتی شعبے میں 463، خدمات کے شعبے میں 411، رئیل اسٹیٹ اور تعمیرات میں 311، سیاحت اور ٹرانسپورٹ میں 242، خوراک اور مشروبات میں 158، صحت اور فارماسوٹیکل میں 233، ایندھن اور توانائی میں 81، تعلیم میں 124، کان کنی میں 119، مارکیٹنگ میں 86، ٹیکسٹائل میں 79، اور کارپوریٹ زرعی فارمنگ میں 73 نئی کمپنیز رجسٹرڈ کی گئیں۔

ایس ای سی پی نے بتایا کہ آٹو سمیت دیگر شعبوں میں 650 نئی کمپنیز کی رجسٹریشن بھی کی گئی، جس سے مجموعی طور پر گزشتہ ماہ میں کمپنیوں کی رجسٹریشن میں نمایاں اضافہ ہوا۔