مراکش کشتی حادثے کے متاثرہ آٹھ پاکستانیوں کی وطن آمد کے بعد آج متاثرہ تمام پاکستانیوں کی واپسی کا عمل مکمل ہوگیا ہے۔ پاکستانیوں کو وطن واپس لانے والی یہ تیسری پرواز تھی، جن میں سے چار دوحہ اور چار دبئی کے راستے اسلام آباد پہنچے۔

ذرائع کے مطابق، زندہ بچ جانے والے تمام 22 پاکستانیوں کی وطن واپسی کا عمل مکمل ہو چکا ہے۔

غیر قانونی تارکین وطن کے خلاف کریک ڈاؤن، ٹرمپ کے پہلے ہفتے میں 7300 افراد ملک بدر

ذرائع کے مطابق محمد افضال جو منڈی بہاؤالدین کا رہائشی ہے، اس کا نام بھی پاسپورٹ کنٹرول لسٹ میں شامل کرلیا گیا ہے۔

آخری کھیپ میں محمد افضال، احمد عرفان، عدیل محمد اور محمد ارسلان دبئی کے راستے اسلام آباد پہنچے، جبکہ تنویر احمد، غلام مصطفے، علی مجاہد اور سید محی الدین بدر دوحہ کے راستے اسلام آباد پہنچے۔

ایف آئی اے نے مراکش کشتی حادثے میں ملوث انسانی اسمگلنگ کے گینگ کا سراغ لگا لیا

تمام متاثرین کو پاکستانی حکام کی نگرانی میں مراکش سے اسلام آباد لایا گیا، اور ان کی وطن واپسی کا عمل مکمل ہو چکا ہے۔