مہنگائی کے مارے عوام پرحکومت نےپیٹرول بم گرادیا، پیٹرولیم مصنوعات کی قیمتوں میں آئندہ 15 روزتک کے لیےاضافہ کردیا گیا۔ رواں ماہ حکومت کی جانب سے قیمتوں میں دوسری مرتبہ اضافہ ہے۔

حکومت نے پیٹرول کی فی لیٹرقیمت میں ایک روپے جبکہ ڈیزل کی قیمت میں سات روپےکا اضافہ کردیا۔

اضافے کے بعد پیٹرول کی نئی قیمت 257 روپے 13 پیسے ہوگئی جبکہ ہائی اسپیڈ ڈیزل کی نئی قیمت267 روپے 95 پیسے ہوگئی۔

وزارت خزانہ کی جانب سے پیٹرولیم مصنوعات کی نئی قیمتوں کا نوٹیفکیشن بھی جاری کردیا گیا ہے۔

اس سے قبل اوگرا نے ایل پی جی کی نئی قیمت مقررکر دی، یکم فروری سے ایل پی جی کی قیمت میں اضافہ ہوگا۔

اوگرا کے مطابق ایل پی جی کی فی کلو قیمت میں 3.68 روپے کا اضافہ ہوگیا، ایل پی جی صارفین کے لئے قیمت میں 43.52 روپے فی سلنڈر اضافہ کیا گیا۔