Aaj News

پیر, فروری 17, 2025  
18 Shaban 1446  

جوبائیڈن حکومت نےجوپاکستان کےساتھ کیاوہ نامناسب تھا، جینٹری بیچ

امریکی ارب پتی سرمایہ کاروں کے وفد کےسربراہ جینٹری بیچ کی صحافیوں سے ملاقات میں گفتگو
اپ ڈیٹ 29 جنوری 2025 06:40pm

امریکی سرمایہ کار کا کہنا ہے کہ میں یہاں مذاکرات کے لیےنہیں، کاروبارکے لیے آیا ہوں۔ پاکستان میں سرمایہ کاروں کے متعددمواقع موجود ہیں۔

اسلام آباد میں امریکی ارب پتی سرمایہ کاروں کےوفد کےسربراہ جینٹری بیچ نےصحافیوں سےملاقات کے دوران گفتگوکرتے ہوئے کہا کہ پاکستان سےمتعلق غلط فہمیوں کودورکرنے کی ضرورت ہے، ہم پاکستان میں اربوں ڈالرکی سرمایہ کاری کرناچاہتے ہیں، جوبائیڈن حکومت نے جو پاکستان کے ساتھ کیاوہ نامناسب تھا۔

امریکی سرمایہ کارنے کہا کہ دنیا میں امن وترقی کا نیا دور شروع ہوگیا ہے، ڈونلڈ ٹرمپ اقتصادی سفارت کاری پریقین رکھتے ہیں، پاکستانی حکومت امریکن نئی قیادت کےساتھ ہم آہنگ ہے۔ پاکستان میں معدنیات، توانائی اور رئیل اسٹیٹ میں سرمایہ کاری کرنا چاہتے ہیں۔

جینٹری بیچ نے کہا کہ رچرڈ گرینیل ایک زبردست امریکن ہیں۔ گرینیل نے بتایاکہ بانی پی ٹی آئی کی جعلی وڈیودیکھ کروہ گمراہ ہوئے، میرا خیال ہے کہ رچرڈ گرینل کو ڈیپ فیک ٹیکنالوجی کے ذریعے گمراہ کیا گیا، گرینیل پاکستان کےنظام انصاف کامکمل احترام کرتے ہیں، پاکستان اورامریکا کے تعلقات تاریخی ہیں۔

انھوں نے صحافیوں سے گفتگو میں کہا کہ میراحکومت کی معاشی سفارتکاری سےکوئی تعلق نہیں، ہم چاہتے ہیں پاکستانیوں کے پاس زیادہ سے زیادہ اپنا گھرہو۔ ؎ جینٹری بیچ کاصحافیوں سےمزید کہناتھا کہ پاکستان نےدہشتگردی کےخلاف متعددقربانیاں دیں، امریکا پاکستان کی قربانیوں کااعتراف کرتاہے۔

اسلام آباد

american businessman