شائقین کرکٹ کیلئے اچھی خبر، اے بی ڈی ویلیئرز نے بڑا اعلان کردیا
جنوبی افریقا کے لیجنڈری بلے باز اور سابق کپتان اے بی ڈی ویلیئرز نے 4 سال بعد کرکٹ کے میدان میں واپسی کا اعلان کردیا اور اب وہ کھیلنے کے لیے تیار ہیں۔
واضح رہے کہ جنوبی افریقا کے لیجنڈ کرکٹر اے بی ڈی ویلیئرز نے نومبر 2021 میں تمام طرز کی کرکٹ سے ریٹائرمنٹ کا اعلان کیا تھا۔
تاہم منگل کے روز ڈی ویلیئرز نے کرکٹ میں اپنی واپسی کا اعلان کرتے ہوئے اس بات کی تصدیق کی کہ وہ ورلڈ چیمپئن شپ آف لیجنڈز ( ڈبلو سی ایل ) کے دوسرے ایڈیشن میں ساؤتھ افریقا چیمپئنز کی قیادت کریں گے۔
ورلڈ چیمپئن شپ آف لیجنڈز ایک پریمیئر ٹی 20 ٹورنامنٹ ہے جس میں ریٹائرڈ کرکٹ لیجنڈز کھیلتے ہیں۔
ڈی ویلیئرز کی واپسی کی خبر نے ان کے مداحوں میں جوش و خروش کو جنم دیا ہے اور شائقین ان کو دوبارہ ایکشن میں دیکھنے کے لیے بے چین ہیں۔
جنوبی افریقا چیمپئنز کے شریک مالک اور گیم چینجرز کے بانی امندیپ سنگھ نے کہا کہ اے بی ڈی ویلیئرز کی بطور کپتان واپسی ہماری ٹیم کے لیے فائدہ مند ہوگی اور ان کی قیادت بلاشبہ ہمیں نئی بلندیوں تک لے جائے گی۔
یاد رہے کہ ڈبلیو سی ایل کا دوسرا ایڈیشن اس سال جولائی میں کھیلا جائے گا۔
Comments are closed on this story.