ایڈیشنل رجسٹرار توہین عدالت کیس: محفوظ فیصلہ کل سنایا جائے گا
ایڈیشنل رجسٹرار کے خلاف توہین عدالت کیس کا فیصلہ کل سنایا جائے گا۔
جسٹس منصور علی شاہ اور جسٹس عقیل عباسی پر مبنی سپریم کورٹ کا دو رکنی بینچ 23 جنوری کو محفوظ کیا گیا فیصلہ پیر کو سنائے گا۔
یاد رہے کہ چند روز قبل سپریم کورٹ نے ایڈیشنل رجسٹرار جوڈیشل نذر عباس کو سنگین غلطی کا مرتکب قرار دیتے ہوئے عہدے سے ہٹا دیا تھا۔
بینچز اختیارات کا کیس مقرر نہ ہونے پر جسٹس منصور، جسٹس عائشہ اور جسٹس عقیل عباسی کا چیف جسٹس کو خط
سپریم کورٹ کے اعلامیے میں رجسٹرار سپریم کورٹ کو ایڈیشنل رجسٹرار جوڈیشل کے معاملے کو دیکھنے کی ہدایت کی گئی تھی۔
اعلامیے کے مطابق ایڈیشنل رجسٹرارجوڈیشل نے آئینی بینچ کا مقدمہ غلطی سے ریگولربینچ کےسامنے سماعت کیلئے مقررکیا، نتیجتاً سپریم کورٹ اورفریقین کے وقت اور وسائل کا ضیاع ہوا۔
توہین عدالت انٹر کورٹ اپیل کی کاپی سامنے آ گئی
ایڈیشنل رجسٹرار توہین عدالت انٹر کورٹ اپیل کی کاپی سامنے آ گئی، انٹرا کورٹ اپیل میں عدالتی حکم ناموں میں تاریخوں کے ردوبدل کا انکشاف ہوا ہے۔
انٹرا کورٹ اپیل کے مطابق بینچز اختیارات کا مقدمہ 13 جنوری کو 27 جنوری تک ملتوی کیا گیا تھا۔ بعد میں ملنے والے دوسرے حکم نامہ میں سماعت کی تاریخ تبدیل کردی گئی۔
اپیل میں دوسرے حکم نامہ میں سماعت کی 27 جنوری کی تاریخ 16 جنوری کردی گئی۔ اس تاریخ کو ایک جج نے خود کو بینچ سے الگ کرلیا۔ اپیل میں استدعا کی گئی ہے کہ میرے خلاف شو کاز نوٹس واپس لیا جائے۔
Comments are closed on this story.