وزیر اعظم نے دنیائے اسنوکر میں پاکستان کا نام روشن کرنے والے محمد آصف کو لاکھوں روپے کا انعام دے دیا۔

وزیر اعظم ہاؤس سے جاری بیان کے مطابق وزیر اعظم سے اسنوکر چیمپئین محمد آصف نے ملاقات کی۔ شہباز شریف نے محمد آصف کو حال ہی میں سری لنکا میں منعقدہ سارک اسنوکر چیمپیئمن شپ جیتنے پر مبارکباد دی۔

پاکستان میں پہلی مرتبہ ٹیسٹ میچ میں ایک دن میں 20 وکٹیں گرنےکا نیا ریکارڈ

وزیرِ اعظم نے محمد آصف کو 25 لاکھ روپے کا انعامی چیک دیتے ہوئے کہا کہ پاکستانی نوجوان کھلاڑی اپنی صلاحیتوں سے پوری دنیا میں ملک و قوم کا نام روشن کر رہے ہیں، آپ نے اسنوکر کی دنیا میں پاکستان کا نام روشن کیا، قوم کو آپ پر فخر ہے۔

نعمان علی کی شاندار ہیٹ ٹرک، نئی تاریخ رقم کردی

وزیراعظم نے کہا کہ تین بار ورلڈ ایمیچئیور اسنوکر چیمپیئمن شپ اور تین مرتبہ سارک سنوکر چیمپیئن شپ جیت کر آپ نے دنیا بھر میں اپنی صلاحیتوں کا لوہا منوایا اور پاکستان کا نام روشن کیا، حکومت، پاکستانی کھلاڑیوں کو سہولیات کی فراہمی کیلئے ہر ممکن اقدام کر رہی ہے۔

محمد آصف نے وزیرِ اعظم کا شکریہ ادا کرتے ہوئے کہا کہ حکومتی سر پرستی کھیلوں کے فروغ میں اہم کردار ادا کرتی ہے، آپ کی جانب سے پذیرائی میرے لئے اعزاز کی بات ہے۔

اس موقع پر وزیرِ اعظم نےحکام کو محمد آصف کے ساتھ مل کر ملک میں اسنوکر کے مزید کھلاڑیوں کی تربیت کے لئے اقدامات کی ہدایت جاری کیں۔