امریکی صدر ڈونلڈ ٹرمپ کی کینیڈا کو حصہ بننے کی تجویز اور نہ بننے کی صورت میں معاشی نقصان پہنچانے کی دھمکیوں کے بعد ایسی ٹوپیاں فروخت ہونے لگیں جن پر ”کینیڈا ناٹ فور سیل“ کے الفاظ درج ہیں۔

عالمی میڈیا کے مطابق امریکی صدر ڈونلڈ ٹرمپ کی کینیڈا کو امریکا کا حصہ بننے کی تجویز اور نہ بننے کی صورت میں معاشی نقصان پہنچانے کی دھمکیوں کے بعد یہ موضوع کینیڈا سمیت دنیا بھر میں زیر بحث ہے۔ کینیڈا کے شہری اس منفرد انداز میں امریکی صدر ڈونلڈ ٹرمپ کی تجویز کو رد کررہے ہیں۔

ٹرمپ کی کینیڈا کو امریکا کا حصہ بنانے کی دھمکی پر جسٹن ٹروڈو کا ردعمل سامنے آگیا

کینیڈا کی کمزور بارڈر سیکیورٹی سے امریکا پریشان

ان ٹوپیوں کو شہرت اس وقت ملی جب کینیڈا کی ریاست اونٹوریو کے پریمیئر ڈَگ فورڈ نے ایک ایسی کیپ پہن کر کینیڈا کے وزیراعظم جسٹن ٹروڈو سے ملاقات کی تھی۔

ڈونلڈ ٹرمپ کے بیان کے بعد ان ٹوپیوں کا خیال سب سے پہلے اوٹاوا شہر میں قائم ایک ڈیزائن فارم کے مالک لیام مونی کو آیا تھا جن سے اب تک ہزاروں کیپ آن لائن آرڈر کرکے خریدی جاچکی ہیں۔

یاد رہے کہ امریکا کے صدر ڈونلڈ ٹرمپ نے حلف برداری سے کچھ روز قبل ہمسایہ ملک کینیڈا کو پیشکش کرتے ہوئے کہا تھا کہ امریکا کی ریاست بن جائیں ٹیرف ختم اور ٹیکس کم کردیں گے۔