امریکہ میں ٹک ٹاک پر عارضی پابندی عائد کر دی گئی تھی لیکن صدر ڈونلڈ ٹرمپ نے اقتدار میں آنے کے بعد ایپ کو بحال کروایا۔ تاہم، پابندی کے دوران ٹک ٹاک ایپلیکیشن کو ڈیلیٹ کرنے والے صارفین ایک نئی مشکل میں پھنس گئے ہیں۔ وہ اب اسے گوگل پلے اسٹور یا ایپل اسٹور سے ڈاؤن لوڈ نہیں کر سکتے۔ یعنی ٹک ٹاک بحال ہونے کے بعد یہ ڈاؤن لوڈنگ کے لیے دستیاب نہیں ہے، جس سے صارفین اس کا متبادل ڈھونڈنے کے لیے انتہائی بے چین ہیں۔

تاہم چند صارفین ایپ واپس چلانے کے لیے بڑی رقم بھی دینے کو تیار بیٹھے ہیں۔

نیو یارک پوسٹ کی رپورٹ کے مطابق کسی صارف نے ایپ کی عدم دستیابی کا فائدہ اٹھاتے ہوئے آن لائن پلیٹ فارم ’ای بے‘ پر آئی فون کا اشتہار پوسٹ کیا جس میں ٹک ٹاک انسٹال ہے۔

ٹک ٹاک کی متبادل 5 زبردست اور دلچسپ ایپلی کیشنز

رپورٹ کے مطابق یہ اشتہار آئی فون 15 پرو کا ہے جس کی قیمت 5 ملین ڈالر ( بھارتی 43 کروڑ جبکہ ایک ارب سے زائد پاکستانی) بنتی ہے، جس میں 128 جی بی اسپیس ہے جس کا صرف اسکرین پروٹیکٹر معمولی خراب ہے۔

تاہم ٹک ٹاک کے دیوانے یہ مہنگا ترین آئی فون خریدنے کو بھی تیار ہیں اور اسے خریدنے کے خواہشمند درخواستیں بھی دے رہے ہیں۔

میٹا نے ٹاک ٹاکرز کو بھاری رقم دینے کی پیش کش کر دی

ایک صارف نے مذکورہ پوسٹ پر کمنٹ کیا کہ میں نے اپنے موبائل سے ٹک ٹاک ڈیلیٹ کردیا تھا جسے میں دوبارہ نہیں چلا سکتا، میں کسی کو iPhone 16 Pro Max کیلئے پانچ ہزار ڈالر ادا کرنے کے لیے تیار ہوں جس میں خاص طور پر ٹک ٹاک انسٹال ہو، اس کے لیے مجھے میسیج کریں۔