پارلیمانی شفافیت پر فری اینڈ فیئر الیکشن نیٹ ورک (فافن) کی نئی جائزہ رپورٹ جاری کردی گئی۔

فافن رپورٹ میں سینیٹ، قومی اسمبلی اور چاروں صوبائی اسمبلیوں کی ویب سائٹس کا جائزہ لیا گیا، کچھ ویب سائیٹس نے کافی معلومات جبکہ دیگر کم از کم معیار کے زاویے پر بھی پورا نہیں اتریں۔

رپورٹ کے مطابق آئی پی یو معیار پر سینیٹ ویب سائٹ نے سب سے زیادہ یعنی 69 فیصد عمل کیا، پنجاب اسمبلی نے 64 فیصد اور قومی اسمبلی نے 61 فیصد عمل کیا۔

الیکشن میں ٹرن آؤٹ کتنا رہا، فافن نے اعداد و شمار جاری کر دیئے

فافن جائزہ رپورٹ کے مطابق خیبرپختونخوا اسمبلی نے 51 فیصد اور سندھ اسمبلی نے 40 فیصد عمل کیا جبکہ بلوچستان اسمبلی کی ویب سائٹ نے 38 فیصد عمل کیا، یہ عدم مطابقت، سیاسی پولرائزیشن ماحول میں غلط معلومات کے خطرات بڑھاتی ہیں، ملک کی پارلیمانی ویب سائیٹس گزشتہ 2 دہائیوں میں واضح ارتقائی عمل سے گزریں، اپ ڈیٹ معلومات کے لیے پارلیمانی ویب سائٹ متحرک مرکز کے طور پر ابھریں۔

رپورٹ کے مطابق پارلیمانی ویب سائٹس کی شفافیت، افادیت بڑھانے کے لیے مزید اصلاحات ضروری ہیں، ایسی اصلاحات سے پارلیمانی عمل اور جمہوریت کیخلاف ڈس انفارمیشن بھی رکے گی۔