ملیر شاہ لطیف ٹائون تھانے کے باہر خواجہ سرائوں کا احتجاج رنگ لے آیا، پولیس نے گرو کے خلاف مقدمہ درج کرکے تحقیقات شروع کردیں۔

واضح رہے کہ خواجہ سراؤں نے شاہ لطیف تھانے کے باہر احتجاج کرتے ہوئے اپنے گرو کے خلاف نعرے بازی کی۔ خواجہ سراؤں نے الزام لگایا کہ گُرو ان سے مبینہ طور پر 15 ہزار روپے فی کس ماہانہ بھتہ وصول کرتا ہے۔

گارڈن سے لاپتہ بچوں کا 5 روز بعد بھی پتہ نہ چل سکا

خواجہ سراؤں نے اپنے گُرو کی مبینہ بھتہ خوری کے خلاف درخواست بھی جمع کرائی۔ ان کا کہنا تھا کہ گُرو بھتہ خوری بند کریں، 15 سال سے یہی ہو رہا ہے، اب ہم برداشت نہیں کریں گے۔

خواجہ سرائوں نے الزام عائد کیا کہ مبینہ بھتہ نہ دینے والے خواجہ سرا کو ڈرایا دھمکایا جاتا ہے، انہوں نے وزیر اعلیٰ سندھ سمیت قانون نافذ کرنے والے اداروں سے تحفظ کی اپیل کرتے ہوئے اپنے گرو کے خلاف قانونی کارروائی کا مطالبہ کیا۔

لڑکی کو شادی کی غرض سے اغوا کرنے والا خواجہ سرا گرفتار

احتجاج کے حوالے سے ایس ایچ او شاہ لطیف ارشد اعوان نے بتایا کہ خواجہ سرا اپنے گرو کے خلاف احتجاج کررہے تھے، انہوں نے اس کے خلاف تھانہ میں درخواست بھی جمع کرائی تھی۔

خواجہ سرا کی نازیبا ویڈیو وائرل کیس میں کے پی کی تاریخ میں پہلا پیکا ایکٹ مقدمہ درج

ایس ایچ او نے کہا کہ خواجہ سراؤں کی شکایت پر ان کے گرو کےخلاف مقدمہ درج کرلیا ہے اور شعبہ تفتیش اس معاملے پر تحقیقات کر رہا ہے، تاہم ابھی کوئی گرفتاری عمل میں نہیں لائی گئی۔