پاکستان کے اسٹار بلے باز بابر اعظم ویسٹ انڈیز کیخلاف پہلے ٹیسٹ میں عمدہ اسکورز تو نہ کرسکے مگر فیلڈنگ میں کافی پرُجوش دکھائی دیے۔

بابر اعظم کی ایک ویڈیو سوشل میڈیا پر وائرل ہورہی ہے جس میں انہیں کچھ انوکھا کرتے دیکھا گیا۔

ویڈیو میں دیکھا گیا جب ساجد خان نے وکٹ لی تو بابر اعظم نے جشن کے طور پر ان کے سر پر طبلہ بجایا جس کی ویڈیو سوشل میڈیا پر وائرل ہوگئی۔

بابر اعظم نے یہ سیلیبریشن اس وقت کی جب ویسٹ انڈیز کی پہلی اننگز کے دوران ساجد خان نے کیوم ہوج کو آؤٹ کیا تھا۔

بابر اعظم کے یوں جشن منانے پر جہاں ان کے مداح لطف اندوز ہوئے تو کچھ نے انہیں بیٹنگ پر فوکس کرنے کو کہا۔

خیال رہے کہ ویسٹ انڈیز کو دوسری اننگز میں ٹیسٹ میچ جیتنے کیلئے 251 رنز درکار ہیں تاہم انکے 5 کھلاڑی محض 54 رنز پر پویلین لوٹ چکے ہیں۔