Aaj News

جمعرات, اپريل 10, 2025  
11 Shawwal 1446  

جامعہ اشرفیہ کا القادر ٹرسٹ کیس میں پی ٹی آئی کے کردار پر تشویش کا اظہار

اسلام کے نام پر کرپشن کی پردہ پوشی افسوسناک اور قابل مذمت ہے، بیان
اپ ڈیٹ 18 جنوری 2025 12:31am

جامعہ اشرفیہ کی جانب سے القادر ٹرسٹ کیس میں پی ٹی آئی کے کردار پر شدید تشویش کا اظہار کیا گیا ہے، عوام کو اسلام کے نام پر دھوکہ دینے کی کوشش کی گئی ہے۔

جامعہ اشرفیہ کا القادر ٹرسٹ کے معاملے پر جاری بیان میں کہا گیا ہے کہ پی ٹی آئی کا اسلام کے نام پر کھیل کھیلنا اور کرپشن کی پردہ پوشی کے لیے اسلامی اقدار کا استعمال نہایت افسوسناک اور قابل مذمت عمل ہے۔ دنیاوی مفادات کے لیے مذہب کو استعمال کرنا نہ صرف اسلامی تعلیمات کی صریحاً خلاف ورزی ہے بلکہ ایک سنگین گناہ بھی ہے۔

بیان میں مزید کہا گیا کہ اسلامی تعلیمات کی یونیورسٹی کے نام پر عوام کو دھوکہ دینا اور دین کو مفادات کے لیے استعمال کرنا دھوجہ دہی اور گھناؤنے عمل کے زمرے میں آتا ہے۔

دھوکہ دہی اور فریب کا یہ عمل اسلامی اقدار اور اصولوں کی توہین ہے، جس کے لیے کوئی عذر قابل قبول نہیں ہو سکتا۔ قرآن میں بھی اللہ نے فرمایا ہے کہ جھوٹ اور دھوکہ دینے والے کبھی کامیاب نہیں ہوتے، القرآن (10:17)-

القادر ٹرسٹ میں دین کے نام پر کی جانے والی سازش اور کرپشن کی پردہ پوشی کا عمل نہایت قابل مذمت اور ناقابل معافی گناہ ہے، جو عوام اور اسلامی اقدار کے ساتھ ایک سنگین دھوکہ ہے۔

karachi

jamia ashrafia