امریکا کی ریاست کیلیفورنیا کے شہر لاس اینجلس میں لگنے والی تاریخ کی تباہ کن آگ نے ہالی وڈ اور اس کے ایوارڈ سیزن کو بھی بری طرح متاثر کیا ہے۔

غیر ملکی میڈیا کی رپورٹس کے مطابق رواں برس 2 مارچ کو ہونیوالے آسکر ایوارڈز کی تقریب تاریخ میں پہلی بار منسوخ ہونے کا امکان ہے۔

لاس اینجلس میں آتشزدگی کے باعث پہلے ہی برٹش اکیڈمی آف فلم اینڈ ٹی وی آرٹس ٹی پارٹی، اے ایف آئی ایوارڈز لنچ اور کریٹکس چوائس ایوارڈز جیسی بڑی تقریبات بھی ملتوی ہو چکی ہیں۔

لاس اینجلس میں آگ کیسے پھیلی؟ امریکی اخبار نے بڑا دعویٰ کر دیا

میڈیا رپورٹس کے مطابق آسکرز کی منسوخی کا حتمی فیصلہ ہالی وڈ کی مشہور شخصیات پر مشتمل کمیٹی کرے گی، جس میں ٹام ہینکس، ایما اسٹون، میریل اسٹریپ، اور اسٹیون اسپیلبرگ شامل ہیں۔

ہالی وڈ شخصیات کا کہنا ہے کہ لاس اینجلس کی موجودہ صورتحال میں جشن منانا غیر مناسب ہوگا، خاص طور پر جب شہر کے ہزاروں لوگ دکھی دلوں اور ناقابل تلافی نقصانات کا شکار ہیں۔ امید ہے کہ آئندہ ہفتے تک آگ بجھ جائے گی، لیکن لاس اینجلس کو اس سانحہ سے نکلنے میں کئی ماہ لگ سکتے ہیں۔

کیا لاس اینجلس میں آگ پرندے نے لگائی، سوشل میڈیا دعوؤں کی حقیقت!

خوفناک آگ کے باعث اب تک 25 افراد ہلاک ہوچکے جبکہ ہزاروں گھروں کے جلنے کی تصدیق ہو چکی ہے۔ مشہور ہالی وڈ شخصیات جیسے پیرس ہلٹن، بلی کرسٹل، مارک ہیمل، اور اینتھونی ہاپکنز سمیت کئی ستاروں کے گھر بھی آگ کی لپیٹ میں آ چکے ہیں۔

بددعا کا اثر؟ زیادتی کا نشانہ بنی خاتون کی لاس اینجلس آتشزدگی سے متعلق سابقہ پیشگوئی وائرل

واضح رہے کہ 97 ویں اکیڈمی ایوارڈز کی نامزدگیوں کا اعلان بھی پہلے ہی 17 جنوری سے ملتوی کر کے 19 جنوری تک کر دیا گیا۔