بھارت کے کمبھ میں میلے ایک سادھو کی اپنے خیمے میں ایک یوٹیوبر کو چمٹے سے پیٹتے ہوئے سوشل میڈیا پر ویڈیو تیزی سے وائرل ہورہی ہے۔

سوشل میڈیا پر وائرل اس ویڈیو کو اب تک 1,14,000 سے انٹرنیٹ صارفین نے دیکھا اوراپنی رائے کا اظہار کیا ہے۔

سوشل میڈیار پر وائرل ویڈیو میں دیکھا جاسکتا ہے کہ سادھو اپنے خیمے میں ایک یوٹیوبر کو چمٹے سے پیٹ رہا ہے۔ ویڈیو میں یوٹیوبر کو مائیک کے ساتھ سادھو سے سوالات پوچھتے ہوئے دکھایا گیا ہے۔

کچھ سوالات کے جوابات دینے کے بعد سادھو یوٹیوبر سے ناراض ہوجاتا ہے اور اسے چمٹے سے مارنا شروع کر دیتا ہے اوراسے اپنے خیمے سے باہر نکال دیتا ہے۔

سادھو غصے سے وہاں کھڑے لوگوں سے کہتا ہے کہ ”تم لوگ دیکھ رہے، اس نے کیا بولا“،سادھو نے تماشائیوں سے پوچھا “ کیا تم لوگوں نے سنا اس نے کیا غلط کہا’؟

ویڈیو کو شیئر کرتے ہوئے ایک ایکس صارف نے لکھا، “مہا کمبھ کو کور کرنے کے لیے آنے والے یوٹیوبرز کو مزید مشکلات کا سامنا کرنا پڑے گا!

تو دوسرے نے صارف تبصرہ کرتے ہوئے لکھا کہ اگر آپ اپنے چینل کی رسائی بڑھانے کے لیے فضول سوال پوچھیں گے تو بابا جی انہیں چمٹے مار کر ٹھیک کر دیں گے۔

تیسرے صارف نے لکھا “ مہاراج جی نے صحیح کام کیا،’’ ایک اور صارف نے لکھا۔ “ اگر کوئی اپنے غصے پر قابو نہ رکھے تو وہ کون سا ولی ہو سکتا ہے؟“