اسکاٹ لینڈ کے سابق رہنما حمزہ یوسف نے ایلون مسک سے متعلق سخت انتباہ جاری کرتے ہوئے انہیں کرہ ارض کا سب سے خطرناک انسان قرار دیا ہے۔

رپورٹ کے مطابق حمزہ یوسف نے سوشل میڈیا پلیٹ فارم ایکس پر اپنی پوسٹ میں ایلون مسک پر غلط معلومات و نقصان دہ نظریات پھیلانے اور جمہوریت کو نقصان پہنچانے کے لیے اپنا اثر و رسوخ استعمال کرنے کا الزام لگایا ہے۔

حمزہ یوسف نے مزید لکھا کہ ایلون مسک متنازعہ بیانات دے رہے ہیں اور ایسے اقدامات کر رہے ہیں جو تشویش کا باعث ہیں۔

یوسف کے مطابق مسک کا رویہ اس عالمی رجحان کی عکاسی کرتا ہے کہ طاقتور افراد تعصب کو معمول پر لانے اور تقسیم پیدا کرنے کے لیے اپنے پلیٹ فارم کا فائدہ اٹھا رہے ہیں۔

مسک بھارتی قانون ساز کی پاکستانیوں کے خلاف اشتعال انگیزی کی مہم کا حصہ بن گئے

اُنہوں نے لکھا کہ تشویش ناک بات یہ ہے کہ ایلون مسک کی انتہائی دائیں بازو کے ساتھ ہمدردیاں ہیں جو کہ مسلمان مخالف اشتعال انگیزی پر مبنی ہیں۔

حمزہ یوسف نے لکھا کہ اگر ایلون مسک سنہ 1930 کی دہائی میں ہوتے تو ان کے اعمال اور بیان بازی سے اندازہ ہوتا ہے کہ وہ شاید اس وقت کے خطرناک انتہائی دائیں بازو کی پاپولزم کو بڑھاوا دے رہے ہیں جیسا کہ وہ ابھی کر رہے ہیں۔

ان کا ایکس پوسٹ میں مزید کہنا تھا کہ تاریخ میں بھی ہم نے کسی کمیونٹی کے خلاف نفرت کو بے قابو ہونے کی اجازت دینے پر تباہ کن نتائج دیکھے ہیں۔

ایلون مسک نے اپنا نام تبدیل کرلیا، ایکس پر ہلچل مچ گئی

حمزہ یوسف نے ارب پتی شخصیت ٹیسلا کے بانی مسک پر ایک اور الزام لگایا کہ ایولن مسک نے برطانوی وزیرِ اعظم کیئر اسٹارمر کا تختہ الٹنے کی بھی کوشش کی۔

واضح رہے کہ ایلون مسک نے برطانوی حکومت اور سیاست دانوں پر گرومنگ گینگ جرائم کو چھپانے کے سنگین الزامات لگائے اور برطانوی وزیرِ اعظم کیئر اسٹارمر کی برطرفی کا مطالبہ بھی کیا۔