پاکستان شوبز کی خوبرواداکارہ ہانیہ عامر کا حال ہی میں بھارتی کامیڈین ذاکر خان کے حوالے سے کیا گیا تبصرہ سوشل میڈیا پر تیزی سے وائرل ہو رہا ہے۔

ہانیہ نے حال ہی میں فوٹو اینڈ ویڈیو شیئرنگ ایپ انسٹاگرام اسٹوری پر بھارتی کامیڈین ذاکر خان کے شو کی ایک ویڈیو کلپ شیئر کیا ہے جس میں انہوں نے مشہور بھارتی کامیڈین کی دانشمندی اور حسِ مزاح کو سراہا۔ انہوں نےمشہور بھارتی کامیڈین کو ٹیگ کرتے ہوئے لکھا: ’کیا پاگل انسان ہیں یار آپ‘۔

والد نے سلمان خان کی اب تک شادی نہ ہونے کی وجہ بتا دی

یاد ہے کہ ڈمپل فیم اسٹار ہانیہ عامر نہ صرف پاکستان بلکہ دیگر ممالک خاص طور پر بھارت میں بھی اپنی اداکاری اور دلکش و معصوم شخصیت کی وجہ سے مشہور ہیں۔

وہ موجودہ دور کی مصروف ترین اداکاراؤں میں شمار کی جاتی ہیں اور سوشل میڈیا پر ان کے کروڑوں مداح موجود ہیں۔ ہانیہ انسٹاگرام پر 17.1 ملین فالوورز رکھنے والی پہلی پاکستانی بن چکی ہیں، جنہیں دنیا بھر کے صارفین فالو کرتے ہیں۔