حکومت کی جانب سے حج درخواستیں جمع کرانے سے رہ جانے والے عازمین کے لیے خوشخبری سناسی دی گئی ہے۔ سرکاری حج اسکیم کے تحت 5 ہزار مزید عازمین فریضہ حج ادا کر سکیں گے۔ وزارت مذہبی امور نے 5 ہزار خالی نشستوں پر حج درخواستیں طلب کر لی ہیں۔

وزارت مذہبی امور کے ذرائع نے بتایا کہ حج درخواستوں کی 10 جنوری سے شروع کر دی جائے گی۔

ذرائع نے بتایا کہ سرکاری حج اسکیم کے تحت 81 ہزار 500 حج درخواستیں موصول ہوئیں۔ اب اسکیم کے تحت باقی رہ جانے والے پانچ ہزار کے کوٹے پر درخواستیں وصول کی جائیں گی۔

وزارت مذہبی امور نے نئی حج درخواستوں پر قرعہ اندازی نہ کرنے کا فیصلہ کیا ہے، ذرائع کے مطابق پہلے آئیے پہلے پائیے کی بنیاد پر کنفرم حج ٹکٹ دیا جائے گا۔

ذرائع کا کہنا ہے کہ حج درخواستوں کی وصولی کے لیے پانچ روز مقرر کئے جانے کی تجویز زیر غور ہے۔

ترجمان وزارت مذہبی امور نے کہا کہ کل پہلے آئیے پہلے پائیے کی بنیاد پر درخواستیں وصول کی جائیں گی، تمام نامزد بینک روزانہ کی بنیاد پر جمع درخواستوں کو پورٹل پر فوری اپ لوڈ کریں۔

ترجمان نے کہا کہ نئے درخواست گزار پہلی دو قسطوں کی مد میں 6 لاکھ جمع کروائیں گے، قربانی یا الگ کمرے کے اضافی اخراجات ہوں گے، تعداد مکمل ہونے پر درخواستوں کی وصولی فوری روک دی جائے گی۔