لاہور کے جناح ٹاؤن ہال سے متعلق آج نیوز کی خبر پر ترجمان نادرا کا بیان سامنے آگیا ہے، نادرا ترجمان کا کہنا ہے کہ سول رجسٹریشن کا ون ونڈو کاؤنٹر خدمت مرکز منتقل کر دیا گیا ہے۔

دو جنوری کو آج نیوز نے خبر دی تھی کہ میٹرو پولیٹن کارپوریشن لاہور نے برٹھ اینڈ ڈیٹھ سرٹیفیکٹ ون ونڈو بند کر دی ہے، جس سے برتھ اینڈ ڈیٹھ سرٹیفکٹ کا حصول شہریوں کے لیے مشکل ہو گیا ہے۔

ضلعی انتظامیہ نے شعبہ پیدائش اموات سرٹیفیکٹ کا اختیار نادرا کو سونپ دیا ہے، ڈی سی لاہور کا کہنا تھا کہ چند روز میں نیا سیٹ اپ تشکیل دیا جائے گا۔

نادرا ترجمان نے اس پر وضاحت کی کہ ایجنٹ مافیا کے خاتمے کے لیے مینول فارم وصولی کا کاؤنٹر بند کیا گیا ہے۔ سرٹیفکیٹس کے اجرا کی سہولت کسی موقع پر بند نہیں کی گئی۔ جناح ٹاؤن ہال میں سول رجسٹریشن کا عمل جاری ہے۔