بھارت میں ہائی وے پر درجنوں گاڑیاں اچانک ایک ہی وقت میں پنکچر ہو گئیں، شہریوں میں خوف و ہراس پھیل گیا۔

بھارتی میڈیا کی رپورٹس کے مطابق واقعہ ہائی وے پر پیش آیا، ممبئی ناگ پور سمردھی ہائی وے پر 50 سے زائد گاڑیاں لوہے کے بورڈ کے اوپر سے گزرنے کی وجہ سے پنکچر ہوگئیں۔

شہری نے گھر کو کاروں اور موٹرسائیکل کے اسپیئر پارٹس سے سجالیا

رات کے وقت اچانک پیش آنے والے واقعہ کی وجہ سے ہائی وے پر متاثرہ شہریوں میں شدید خوف و ہراس پھیل گیا اور چھوٹی بڑی گاڑیوں کی طویل قطاریں لگ گئیں۔

بھارتی میڈیا کے مطابق واقعہ 29 دسمبر کی رات 10 بجے کے قریب پیش آیا تھا جس سے کئی چھوٹی گاڑیاں اور بڑے ٹرک بھی متاثر ہوئے، ہائی وے پر طویل فاصلے تک بدترین ٹریفک جام ہو گیا۔

جوڑے کو برف باری میں منگنی کا فوٹو شوٹ کرانا مہنگا پڑگیا

میڈیا رپورٹس کے مطابق سیکڑوں مسافر اپنے اہل خانہ کے ہمراہ سردی میں رات بھر ہائی وے پر پھنسے رہے اور انہیں شدید مشکلات کا سامنا کرنا پڑا، ہائی وے حکام کی جانب سے سڑک پر بورڈ گرنے کی تحقیقات شروع کر دی گئی ہیں۔